Namayishta özige ot qoyghan memet tursun istanbuldiki doxturxanigha yötkeldi

Süret, memet tursun uyghur ependining, 2008 - yili 8 - ayning 8 - küni enqerediki namayishta, uyghur xelqi duch kéliwatqan zulumni dunya jamaetchilikige yetküzüsh meqsitide hayati xewp - xeterge qarimay özige ot qoyup yarilanghan we doxturxanidin saqiyip chiqqandiki körünüshi.

 Doxturlarning éytishiche, boyni we ikki qoli éghir derijide köygen memet tursun bir mezgil dawalinishi we dem élishi kérek iken.

Memet tursun ependi enqere nemune doxturxanisida 11 kün dawalan'ghandin kéyin, 8 - ayning 19 - küni istanbulgha élip méngildi. Memet tursun ependi istanbulgha uchush üchün ayrodromgha méngish aldida, enqerede yashawatqan bir guruppa Uyghur qolida sherqiy türkistanning ayyultuzluq kök bayriqi bilen türkiyining bayriqini kötürgen halda enqere nemune doxturxanisining aldigha kélip uni uzitip qoydi.

Igilishimizche , memet tursun istanbul baghchilar dölet doxturxanisida bir mezgil dawalinidiken.

Enqerede pa'aliyet élip bériwatqan sherqiy türkistan medeniyet we hemkarliq jem'iyiti bashliqi xeyrullah ependi bashchiliqidiki bu Uyghurlarni körgen memet tursun ependi, qattiq hayajanlan'ghan halda öz tuyghulirini radi'omizgha sözlep berdi. U doxturxanida yétish jeryanida enqerediki Uyghurlarning özini birkünmu yalghuz tashlap qoymighanliqini, buningdin kéyin öz wetini sherqiy türkistanning erkinliki üchün qolidin kelgenni qilidighanliqini éytti.

Biz yene tuyghulirini élish üchün bügün ishlirini tashlap memet tursunni uzitish üchün doxturxanigha kelgen enqerediki Uyghurlarghimu mikrofonimizni uzattuq.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar