Enqerede `mehmut qeshqiri resim körgezmisi` échildi

Mehmut qeshqiri tughulghanliqining 1000 yilliqi munasiwiti bilen birleshken döletler teshkilati pen - ma'arip komitéti 2008 - yilini mehmut qeshqirini xatirilesh yili dep élan qilghan idi.
Muxbirimiz erkin tarim
2008.11.28
Mexmut-qeshqiri-korgezm-305.jpg Enqerening eng chong soda sarayliridin biri bolghan anqamall soda sariyida échilghan `mehmut qeshqiri resim körgezmisi` din bir körünüsh.
RFA Photo / Erkin Tarim

Bu munasiwet bilen 2008 - yili arqa ‏ - arqidin mehmut qeshqiri heqqide her xil pa'aliyetler ötküzülmekte. 2008 - Yili 2 - ayda türkmenistanning ashxabad shehiride ötküzülgen `türkologiyining qurghuchisi mehmut qeshqiri` mawzuluq xelq'araliq ilmiy muhakime yighini bilen bashlan'ghan bu xatirilesh pa'aliyiti, enqerening eng chong soda sarayliridin biri bolghan anqamall soda sariyida échilghan `mehmut qeshqiri resim körgezmisi` bilen dawam qilmaqta.

Körgezmige mehmut qeshqirining türkiy tillar diwani namliq esiri we bu eser heqqide élip bérilghan tetqiqat eserliri, mehmut qeshqiri heqqide yézilghan eserler qoyulghandin bashqa, mehmut qeshqirining qebrisi, opal qatarliq yerlerde yashawatqan Uyghurlarning turmushi eks ettürülgen resimlermu qoyulghan.

Bu körgezme bir yildin béri türkiyining her qaysi jaylirida dawamliq halda körsitiliwatqan bolup, körgezme heqqide téximu tepsiliy melumat élish üchün bu körgezmini achqan türkiye yawru‏ - asya yazghuchilar jem'iyiti bashliqi dr. Yaqup déli'ömeroghli we körgezmini ayliniwatqan kishiler bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.