Washin'gtonda xitay saqchiliri teripidin urup öltürülgen 12 yashliq mirzat amanulla üchün namayish ötküzüldi
2012.06.01

Radi'omiz igiligen uchurlardin melum bolushiche, mirzat alim esli shayar bolup, u korlida özi bilen teng yashtiki balilar bilen diniy telim éliwatqan jayidin tutup kétilip, etisi uning ölüm xewiri a'ilisidikilerge uqturulghan.
Radi'omiz igiligen uchurlardin melum bolushiche, 12 yashliq mirzat amanulla aqsu wilayiti shayar. U 20 - may korlida diniy telim éliwatqan öydin bashqa balilar bilen birlikte tutup kétilgen. Korla saqchiliri 21 - may uning shayar anisigha téléfon qilip, mirzatning tutup turush ornida özini öltürüwalghanliqini uqturghan. Emde uning a'ilisidikilerdin mirzatning ölümining éqiqi sewebini ashkarilimasliqni telep qilip, jem'iyetke “Mirzat ürümchide oquwatqan yéride özini binadin tashlap ölüwaldi” dégen gepni tarqatqan.
Ishenchlik uchurlardin melum bolushiche, balisining jesitini élish üchün korla saqchixanisigha barghan ng anisi balisining bedinide éghir tayaq yarisi sol qoltuqining astida paxta tiqip qoyulghan töshükni bayqighan. Shayardiki saqchi da'irilirining bésimi we nazariti astida ng jesiti 22 - may yerlikke mejburiy qoyulghan, uning qebrisi béshida qur'an oqushqimu ruxset qilinmighan.
Bu weqe eqqide radi'omizgha inkas qilghuchilarning bildürüshiche, 20 - may mirzat bilen birlikte tutup kétilgen yene bir balining anisi saqchi da'irilirige 20 ming yüen xelq puli jerimane tölep oghlini képillikke élip chiqqan. Nöwette shayar saqchiliri mirzatning anisi em uruq - tughqanlirigha dawamliq bésim ishlitip, mirzatning ölümining éqiqi sirining ashkarilinip ketmeslikini telep qilmaqta iken.
Mirzatning saqchilar teripidin urup öltürülgenlik xewiri tarqalghandin kéyin, bu weqe eqqide chet'ellerdiki Uyghur jama'iti arisida jiddiy inkas qozghidi. Amérika wirginiye shtatidiki Uyghurlar Uyghur amérika birleshmisining orunlashturushi bilen 1 - iyun balilar bayrimi jüme küni chüshtin kéyin, xitayning washin'gtondiki elchixanisi aldida naraziliq namayishi ötküzdi.