Misirning sabiq re'isi mubarekni aqlaydighan yéngi deliller tépildi

Misirning sabiq re'isi mubarek bilen uning ikki oghlining axirqi soti yéqinliship kélish harpisida, uni aqlaydighan yéngi deliller otturigha chiqqan.
Ixtiyariy muxbirimiz ömerjan
2011-12-27
Share
husni-mubarek-texittin-chushti-misir-305.jpg Hösni mubarek istépa bergendin kéyin pütün misir xelqi ghelibisini tebriklidi. 2011-Yili 11-féwral.
AFP

Misirda 30 yil diktatoriliq bilen hakimiyet yürgüzgen sabiq re'is hösni mubarek bilen uning jamal we ela isimlik ikki oghlining sotlinish waqti yéqinlashqan bolup, kélidighan charshenbe küni qararlashturulghan idi. Bu esnada mubarekning adwokatliri sabiq re'is mubarekni 25-yanwar namayishini basturushning axirqi künliridiki öltürüsh jinayitidin aqlaydighan yéngi delillerning otturigha chiqqanliqini sözlimekte.

Londonda chiqidighan“Ottura sherq”gézitining 2011-yili 26-dékabir sanida, misirliq yazghuchi muna medkurning qelimi bilen“Mubarekni aqlaydighan deliller”dégen témida bir maqale élan qilin'ghan bolup, maqalide mundaq yézilghan “Sabiq re'is mubarek bilen uning oghulliri jamal bilen elani sotlash waqti yétip kélishi bilen mubarekni namayishchilarni öltürüsh jinayitidin aqlaydighan yéngi deliller otturigha chiqqan. Tebiy'iki, mubarekke artilghan jinayetler 25-yanwar namayishchilirini öltürüshke emir bergenlik jinayitila emes. Belki hoquqni öz menpe'iti üchün qollinish, xelqning démokratik heq-hoquqini ayaq asti qilish, misirning bayliqini buzup-chéchish we döletning igiliki astidiki yer-zéminlarni özige qaritiwélish qatarliq köpligen jinayetliri bolup, uni aqlaydighan yéngi delillerning uning jinayetlirining hemmisini aqlap kételmeydighanliqi éniqtur. Yene bu esnada mubarek olturghan qesirning ichidin misirning nadir asare-etiqiliri, tarixiy wesiqiliri, köp miqdarda altun we médallar, shundaqla qoral-yaraqlar tépilghan. Bu yolsizliqlarni qoshqanda uning jinayiti yenggillimestin, belki éghirlishidighanliqi kütülidu.”

Mubarekni aqlighuchilar tapqan deliller

Maqalide yene mundaq dep yézilghan: “Mubarekni aqlighuchilar guruppisining re'isi adwokat yusra abdurazaqning bayanatigha köre, mubarekni aqlighuchilar guruppisi uni aqlaydighan yéngi delillerni tapqan. Mezkur adwokatning éytishiche, qahire shehirining muhemmed mehmud kochisi bilen ministirlar kéngishi kochisida yüz bergen axirqi qanliq ehwalda mubarekning qoli yoq iken. Shuningdek, saqchi aptomobilida namayishchilarni basturup öltürüsh jinayitini sadir qilghanlarmu misirliq saqchilar bolmastin, belki misirning ichi we sirtidin teshkillen'gen suyiqest guruppining ademliri iken. Bu jinayetlerde liwandiki hizibulla guruhining qoli barliqi sözlinidiken. Mubarekning adwokatliri bu dewalirini ispat qilalisa, mubarek üchün késilidighan jazani yenggillitelishi mumkin.

Aldimizdiki düshenbe küni kuweyttin 15 kishilik xalisane aqlash guruppisi qahire shehirige kélidu. Ular charshenbe bolidighan sotta mubarekni aqlashqa tirishmaqchi iken.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet