Муһаҗирәттики уйғурлар дуч келиватқан йеңи мәсилиләр немә?

Доктур әсәт сулайман явропадики уйғур җамаәтлириниң җамаәтлишиши орта асия җуғрапийисини мәркәз қилған ғәрбий түркистан вә шәрқий түркистандин ибарәт икки мәнбәдин кәлгән уйғурлардин тәшкиллиниватқанлиқи; охшаш бир милләтниң пәрқлиқ сиясәтләр вә пәрқлиқ еддийәләрниң тәсири билән, охшимиған йезиқларға мәҗбурлиниш нәтеҗисидә пәйда болуп қалған ятлишиш туйғусидин қутулуш үчүн ортақ теришиватқанлиқини көрсәтти.
Ихтияри мухбиримиз пидаий
2012-11-23
Share
esed-sulayman-305.png Әсәт сулайман әпәнди
Photo: RFA


У йәнә 2009 - йили 5 - еюл вәқәсиниң, бүгүнки уйғур миллий роһида җуғланған барлиқ ички - ташқи амиллардин тәҗрибә - савақларни йәкүнләп, тарихтики әң зор еттипақлиққа йүзлинишигә алаһидә тәсир көрсәткәнликини илгири сүрди.

Әсәт сулайман әпәнди икки мәнбәдики уйғурларниң миллий кимликини қоғдаш вә әсли кимликигә қайтишқа интилиш урунушлирини силиштурма қилип: орта асия тәвәликидин кәлгән уйғурларниң қизғинлиқи вә теришчанлиқи, шәрқий түркистандин кәлгән уйғурларға қариғанда көрүнәрлик болуватмақта; деди.

У йәнә бу хил һәртәрәплимә еҗабий ойғиниш вә йүзлинишләрниң тоғра пикир вә мукәммәл пилан билән йөзләндүрүлүши лазимлиқини, уйғур зиялийлириниң бу җәһәттә актиплиқ билән рол ойниши лазимлиқини тәкитлиди.

Униң билдүрүшичә, явропадики уйғурларниң түркийигә охшаш миллий мәдәнийәттә ортақлиқи болған йәрләрни зиярәт қилип туруши, улардики миллий кимликигә интилишниң ипадиси икән.

Доктур әсәт сулайман әпәнди вәтән сиртидики уйғурларниң өз кимликини ездәш вә җари қилдуруш роһида йүксилиш болуватқанлиқидин илһамлинип, муһаҗерәттики уйғурлар һәққидә тәтқиқат елип биришниң замани кәлгәнликини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт