Muhajirettiki Uyghurlar duch kéliwatqan yéngi mesililer néme?

Doktur es'et sulayman yawropadiki Uyghur jama'etlirining jama'etlishishi orta asiya jughrapiyisini merkez qilghan gherbiy türkistan we sherqiy türkistandin ibaret ikki menbedin kelgen Uyghurlardin teshkilliniwatqanliqi؛ oxshash bir milletning perqliq siyasetler we perqliq éddiyelerning tesiri bilen, oxshimighan yéziqlargha mejburlinish netéjiside peyda bolup qalghan yatlishish tuyghusidin qutulush üchün ortaq térishiwatqanliqini körsetti.
Ixtiyari muxbirimiz pida'iy
2012-11-23
Élxet
Pikir
Share
Print
Es'et sulayman ependi
Es'et sulayman ependi
Photo: RFA


U yene 2009 - yili 5 - éyul weqesining, bügünki Uyghur milliy rohida jughlan'ghan barliq ichki - tashqi amillardin tejribe - sawaqlarni yekünlep, tarixtiki eng zor éttipaqliqqa yüzlinishige alahide tesir körsetkenlikini ilgiri sürdi.

Es'et sulayman ependi ikki menbediki Uyghurlarning milliy kimlikini qoghdash we esli kimlikige qaytishqa intilish urunushlirini silishturma qilip: orta asiya tewelikidin kelgen Uyghurlarning qizghinliqi we térishchanliqi, sherqiy türkistandin kelgen Uyghurlargha qarighanda körünerlik boluwatmaqta؛ dédi.

U yene bu xil hertereplime éjabiy oyghinish we yüzlinishlerning toghra pikir we mukemmel pilan bilen yözlendürülüshi lazimliqini, Uyghur ziyaliylirining bu jehette aktipliq bilen rol oynishi lazimliqini tekitlidi.

Uning bildürüshiche, yawropadiki Uyghurlarning türkiyige oxshash milliy medeniyette ortaqliqi bolghan yerlerni ziyaret qilip turushi, ulardiki milliy kimlikige intilishning ipadisi iken.

Doktur es'et sulayman ependi weten sirtidiki Uyghurlarning öz kimlikini ézdesh we jari qildurush rohida yüksilish boluwatqanliqidin ilhamlinip, muhajérettiki Uyghurlar heqqide tetqiqat élip birishning zamani kelgenlikini bildürdi.

Toluq bet