Shepqetsiz namratliq, weyran qiliniwatqan Uyghur medeniyiti (2)

"Junggo yashlar géziti" de élan qilin'ghan „dölet derijilik namrat nahiyidiki medeniyet oghrilirining esebiyliki" namliq uzun maqalide, chira nahiyisi damiko rayonidiki medeniy miraslarning oghrilinishi we éghir derijide buzghunchiliqqa uchrash ehwali bayan qilin'ghan.
Ixtiyari muxbirimiz ekrem
2011-12-25
Share

Medeniy miraslar bibaha bayliqtur. Damiko yézisidin medeniyet bayliqlirini oghurlap sétiwatqan oghrilar hichqachan bu miraslarning heqiqi qimmitini bilgen emes. Ularni „altunni kisekning ornida sétiwatqan oghrilar" déyish mümkin.

Shinxu'a agéntliqi 21 - dékabir élan qilghan „dölet derijilik namrat nahiyidiki medeniyet oghrilirining esebiyliki" namliq maqaligha asaslan'ghanda, bundaq qanche yüz milyon somluq resimlerning oghurluqche qézish jeryanida buzuwétilgen parchiliri damiko rayunida sayning téshidek chéchilip yatmaqta. Xitay hökümiti hazirgha qeder damiko rayunidiki medeniyet oghriliridin 30 din artuq ademni tutup, qanche ming parche tam resimliri, sapal buyumlar, mis tenggiler we toqulma boyumlarni qolgha chüshürgen bolsimu, Uyghur millitining tarixigha shahit bolghusi bu asare - etiqilerni heqiqi qoghdashqa yenila sel qarap kelmekte. Oghriliqche qézish, buzush dawamlashmaqta.

Maqaligha asaslan'ghanda, bu rayonni qoghdashqa belgilengenlerning ayliq mu'ashi yillardin buyan 100 yü'en bolup kelgen. Uyghur diyarida 100 yü'enge hazir aran 2 kilo gösh sétiwalghili bolidu. Xitay medeniy miraslarni qoghdash idarisi we Uyghur aptonum rayunluq medeniyet idariliri bu rayonni oghrilardin qoghdashni kücheytishni telep qilghanda, chira nahiyisi qoghdighuchilarning mu'ashini östürüp bérishke qurbiti yetmeydighanliqini, ularning turmushta qiyniliwatqanliqini xitay yuqiri derijilik organlirigha köp qétim melum qilghan. Emma héchqandaq yardemge érishelmigen. Kölimi 100 kwadirat kilométr kélidighan bu asare - etiqiler dunyasini qoghdashqa mes'ul bolghan mutellip qatarliq üch neper Uyghur xizmetchining hetta charlash élip baridighan'gha mototsikiliti yaki tögisi bolmighan. Ular piyade yol yürüshke tayinip qoghdash xizmitini dawamlashturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet