نورۋېگىيىنىڭ گجۆۋىك شەھىرىدە جۇمھۇرىيەت كۈنى خاتىرىلەندى
2012.11.19
نورۋېگىيە ئۇيغۇر كومىتېتىنىڭ رەئىسى پەرھات ياقۇپ ئەپەندى ئىككى جۇمھۇرىيەتنى خاتىرىلەش كۈنى سۆز قىلدى. 2012-يىلى 12-نويابىر.
بولۇپمۇ، بۇ كۈندە ھەر بىر ئۇيغۇر ئائىلىسىدە ئاي يۇلتۇزلۇق كۆك بايراق چىقىرىشنى ئۇنتۇماسلىق بۇ شەھەردىكى ئۇيغۇرلارنىڭ ئېسىل ئادەتلىرىنىڭ بىرىگە ئايلانغان.
نورۋېگىيە ئۇيغۇر كومىتېتىنىڭ ئورۇنلاشتۇرۇشى بىلەن 17-نويابىر كۈنى گجۆۋىك شەھىرىدە ئۆتكۈزۈلگەن ئىككى جۇمھۇرىيەتنى خاتىرىلەش كۈنىگە ئۇيغۇرلار ۋە چەتئەللىك مېھمانلاردىن ئاتمىشتىن ئارتۇق كىشى قاتناشقان بولۇپ، ئىستىقلال مارشىنى ئورۇنلاش، نۇتۇق سۆزلەش، جۇمھۇرىيەت خاتىرىسى ئۈچۈن تەييارلانغان سەنئەت نومۇرلىرىنى كۆرسىتىش، ۋە ئەنئەنىۋى يېمەك-ئىچمەك مەدەنىيىتىنى كۆرگەزمە قىلىش قاتارلىق كۆپ خىل پائالىيەتلەر ئورۇنلانغان.
نورۋېگىيە ئۇيغۇر كومىتېتىنىڭ رەئىسى پەرھات ياقۇپ ئەپەندى زىيارىتىمىزنى قوبۇل قىلىپ، ئىككى جۇمھۇرىيەت خاتىرە كۈنىنى ئۆتكۈزۈش ئۈچۈن يېقىندىن ھەمكارلاشقان گجۆۋىك شەھىرىدىكى ئۇيغۇرلارغا، ئارىلىقنى يىراق كۆرمەي كەلگەن مېھمانلارغا، پائالىيەت ئۈچۈن سەنئەت نومۇرلىرىنى خالىسانە تەييارلاپ كەلگەن ئارتىسلارغا ئۆز رەھمىتىنى بىلدۈردى ۋە پائالىيەت ھەققىدە توختالدى.
گۆۋىك شەھىرىدە ئولتۇرۇشلۇق پاتىمە خانىممۇ زىيارىتىمىزنى قوبۇل قىلىپ ئۆزىنىڭ شۇ تاپتىكى ھاياجانلىرىنى ئىپادە قىلدى.
ئىككى جۇمھۇرىيەت خاتىرە كۈنىدە نورۋېگىيە ئۇيغۇر ئىسلام مەركىزىدىمۇ شېھىتلەرنىڭ روھىغا ئاتاپ قۇرئان تىلاۋىتى ۋە دۇئالار قىلىنغان ئىدى.
كۆپ كۆرۈلگەن خەۋەرلەر
RFA
- ب د ت نىڭ «بېيجىڭ خىتابنامىسى» نىڭ 30-يىلىنى خاتىرىلىشى ئۇيغۇر پائالىيەتچىلەرنىڭ نارازىلىقىنى قوزغىدى
- ئۇيغۇر تەشكىلاتلىرى چېخىيە دۆلەت رەئىسىدىن ئىلھام توختى ۋە د ئۇ ق نى نوبېل مۇكاپاتى نامزاتلىقىغا كۆرسىتىشىنى تەلەپ قىلغان
- د ئۇ ق ئۆتكەن يىللىق خىزمەتلىرىنى خۇلاسىلەپ، 2025-يىللىق خىزمەت پىلانىنى مۇزاكىرە قىلدى
- يەكەن ناھىيەسىدە ئاز دېگەندە 6 ئورۇندا دارىلئېتام ماھىيىتىدىكى ياتاقلىق مەكتەپ بارلىقى ئاشكارىلاندى
- خىتاي ساقچى دائىرىلىرى ئۇيغۇر ئېلىدە «قىشلىق ئوپېراتسىيە» ھەرىكىتى باشلاپ، چاغان ھارپىسىدىكى بىخەتەرلىككە كاپالەتلىك قىلماقچى بولغان