Ослода уйғурлар җумһурийәт күнини хатирилиди

15 - Ноябир күни норвегийиниң пайтәхти осло шәһиридә норвегийә уйғур комитетиниң орунлаштуруши билән икки җумһурийәт күни йәнә бир қетим дағдуғилиқ хатириләнди.
Мухбиримиз айгүл йүсүп
2008-11-17
Share

Паалийәткә пайтәхт осло вә әтраптики шәһәрләрдин болуп 70 кә йеқин киши қатнашти.

Тәбрикләш паалийити башланғанда комитет мәсуллири уйғур тарихида қурулған барлиқ мустәқил дөләтләрни санап өтүп уларниң қисқичә тарихини билдүрүп өткәндин кейин,шәрқий түркистан ислам җумһурийити билән шәрқий түркистан җумһурийитиниң қурулуш сәвәблири,уйғур тарихида тутқан пәхирлик орни,шундақла бу җумһурийәтни қурғучиларниң шанлиқ һаяти һәққидә тәпсилий мәлумат берип өтти.

Арқидин шәрқий түркистан истиқлал марши дикламатсийә қилинип, марш музикиси қоюлғанда мәйдан ичи бирдинла һаяҗанлиқ кәйпиятқа чөмүлүп паалийәткә қатнашқучилар орунлиридин турушуп һөрмәт билдүрүшти.

Мәзкур паалийәттә йәнә, норвегийә уйғур комитети тәрипидин ишләнгән уйғурлар һәққидики филим билән түркийидә ишләнгән мәрһум инқилабчи барат һаҗи һәққидики мәхсус филим қоюлғанда җамаәт һаяҗанлиқ көз яшлирини төкүшти. Филим қоюлуп болғанда барлиқ шеһитларниң роһиға атап хәтмә қуран қилинди.
Буниңдин башқа, комитетниң йеңидин ясалған тор бити тәпсилий тонуштурулуп тор бити қурғучилардин пәрһат яқуп әпәнди билән адилҗан мәниви җәһәттин риғбәтләндурулуп улар үчүн алқиш яңритилди.

Паалийәт җәрянида меһманлар ханимлар тәрипидин тәйярланған мол вә һәр түрлүк уйғурчә таамларға еғиз тәгди. Патимә ханим бүгүнки паалийәт һәққидә тохтилип мундақ деди.

Норвегийә уйғур комитетиниң баш тәптиши ниғмәт һаҗим икки җумһурийәтни хатириләшниң муһим әһмийити һәққидә мунуларни ипадиләп өтти.

Норвегийә уйғур комитетиниң мәслиһәтчиси өмәрҗан ака бүгүнки паалийәт һәққидики һаяҗанлирини ипадиләп мундақ деди.

4 Саәткә йеқин давамлашқан хатириләш паалийити һаяҗанлиқ кәйпият ичидә кәч саәт йәттигә йеқин нәтиҗилик ахирлашти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт