Бейҗиң олимпик тәнһәрикәт йиғиниға хитайниң зор һәрбий күчини селишиниң һаҗити барму?

Хитай һөкүмитиниң олимпикни террорлуқ һуҗумидин қоғдаш үчүн олимпик мурасими өткүзүлидиған тәнтәрбийә залиниң биқиниға орунлаштурған башқурулидиған бомба әслиһәлиридин көрүнүш.

 Буниң ичидә 34 миңи хитай армийисиниң җәңчи, офетсирлири болуп, 74 һәрбий айропилан, 48 тик учар һәмдә 33 һәрбий парахот вә башқа зор миқдардики заманиви һәрбий әслиһәләрни ишлитидикән.

Хитай әскәрлиридин тәркип тапқан олимпик бихәтәрлик қисимлири болса, олимпик мусабиқә мәйдани ичи ‏ - сиртини террорчиларниң һавадин, йәрдин һәмдә деңиздин һуҗум қилишиниң алдини елишни асас вәзипә қилған икән.

Хитайниң олимпик тәйярлиқиға зор миқдарда әскири күчини чиқириши дуня мәтбуатида, хитай һәрбий тәһдити һәққидики мулаһизиләрниң қайта күчийишигә сәвәб болди.

Бу мунасивәт билән мухбиримиз гүлчеһрәниң хитай даирилириниң олимпик бихәтәрлики үчүн бунчә зор миқдарда һәрбий күчи ишлитишиниң һаҗити барму дегән темида илгири уйғур елидики хитайниң мәлум һәрбий қисимда турған, һазир америкида яшаватқан уйғур зиялиси илшат әпәнди билән өткүзгән сөһбитини диққитиңларға сунимиз.