ئولىمپىكتىن كېيىنكى خىتاي ‏- غەرب مۇناسىۋەتلىرى

 بۇ سۆھبەتكە كانادا برىتىش كولومبىيە ئۇنىۋېرسىتېتىنىڭ يېقىنقى زامان خىتاي تارىخى پەنلىرى بۇيىچە پروفېسسورى دىئانا لاري،كانادا بروكك ئۇنىۋېرسىتېتىنىڭ سىياسەت پەنلىرى پروفېسسورى، خىتايشۇناس چارلەس بۇرتون ۋە "يەرشارى پوچتىسى" گېزىتىنىڭ بېيجىڭدا تۇرۇشلۇق مۇخبىرى جان ۋۇڭ قاتارلىق ئۈچ مۇتەخەسسىس قاتناشتى.

ئۇلار كىشىلىك ھوقۇقنى ئېغىر دەپسەندە قىلىۋاتقان خىتاينىڭ ئىچكى يۈزىنىڭ،ئولىمپىك ھارپىسىدا دۇنياغا جامائىتىگە قايتىدىن ئاشكارىلانغانلىقى، دېموكراتىك سىياسەت يۈرگۈزۈشنى رەت قىلىۋاتقان خىتاي دائىرلىرىنىڭ تىبەتلىكلەر ھەم ئۇيغۇرلارنىڭ ھەر خىل ھوقۇقلىرىنى چەتكە قېقىۋاتقانلىقى، ئۇلارنى باستۇرۇۋاتقانلىقى، ئولىمپىكتىن كېيىن غەرب دۆلەتلىرى بىلەن خىتاينىڭ سىياسىي مۇناسىۋەتلىرىنىڭ قىيىن ۋە مۇرەككەپ بولىدىغانلىقى قاتارلىقلارنى ئوتتۇرىغا قويدى.