Бир әткәсчи аялниң өлүм алдида ана вә балилириға қилған сөзлири

Бир милләт җәмийитиниң бәлгилик бир парчисиниң қисмитигә айланған бир паҗиәниң мәсулийитини ялғуз бир кишигә, ялғуз бир тәрәпкә артип қоюш тоғра болмиса керәк.
Мухбиримиз шөһрәт һошур
2011-07-01
Share
heroin-chikimlik-305.jpg Хироин чекимлики.
RFA

Тирикчилик, бүгүн уйғурлар дуч келиватқан әң рәһимсиз җәң мәйданлиридин биридур. Бу мәйданда өмүр буйи тәр төкүп бир күнму һаятниң раһитини көрүп бақмиған тәләйсиз атилар вә анилар көп болғинидәк, көңлидики арзу-арманлириниң бирәрсиниму әмәлийләштүрүшкә ризқи яр бәрмәй дуня билән видалишиватқан яшларму аз әмәс. Башланғучниң иккинчи йиллиқида мәктәптин айрилип қелиш, 12 йешида аниси билән етизда кәтмән чепиш, 18 йешида хитай өлкилиридә ишләмчилик қилиш вә 28 йешида хироин әткәсчиликигә арилишип өлүмгә буйрулуш, ялғуз маралбеши наһийисидә туғулуп өскән патигүл рахманниңла қисмити болмиса керәк. Биз бүгүн уйғур җәмийитиниң мана мушу қатлимидики яшлардин бириниң һаят қисмити һәққидә қисқичә мәлумат беримиз.

Аңлиғиниңлар маралбеши наһийисидики патигүл рахманниң һаят һекайиси. Хироин әткәсчилики уйғур җәмийитиниң нәпрәт обйиктилиридин бири. Патигүлниң әткәсчилик қилмиши вә ечинишлиқ қисмитидә хитай һөкүм қилғандәк, мәсулийәт үзидиму яки аилисидиму яки җәмийәттиму вә яки дөләттиму? йүннәнниң руйли дегән җайида шәкилләнгән 5000 дин артуқ җәсәт бар уйғур қәбристанлиқи, тйәнҗин қатарлиқ шәһәрләрдә шәкиллиниватқан уйғур мазарлиқлири, мәзкур қисмәтниң ялғуз патигүл рахманғила хас әмәсликини испатлимақта. Бир милләт җәмийитиниң бәлгилик бир парчисиниң қисмитигә айланған бир паҗиәниң мәсулийитини ялғуз бир кишигә, ялғуз бир тәрәпкә артип қоюш тоғра болмиса керәк. Шуңа юқириқи соалларниң җавабини радио аңлиғучилиримизнинг ойлинишиға һавалә қилимиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт