Xitay hökümiti yéqinda oqutquchiliq alahide programmisi pilanini otturigha qoydi


2006-05-22
Share

Yéqinda xitay ma'arip, maliye ministirliqi we xitay kadirlar bashqarmisi birlikte uqturush chüshürüp, bundin kéyinki 5 yil ichide " yéza mejburiy ma'aripi oqutquchiliq alahide programmisi pilani" ni otturigha qoyidighanliqini bildürgen.

Xitay ma'arip ministirliqining melum qilishiche, mezkur pilan 11 ölkini öz ichige alghan gherbi rayondiki yézilarda ijra qilinidighan bolup, Uyghur élidiki ishlepchiqirish ‏- qurulush armiyisimu shu jaylarning biri bolup hésablinidiken.

Xitay ma'arip, maliye ministirliqi we xitay kadirlar bashqarmisi birlikte békitken " yéza mejburiy ma'aripi oqutquchiliq alahide programmisi pilani" boyiche, bu yil we yaki ilgiri aliy mektep püttürgen oqughuchilar gherbiy rayonlardiki yézilargha bérip, mezkur jaydiki mektep orunliri bilen 3 yilliq toxtam tüzgendin kéyin, resmiy oqutquchiliq xizmitige ige bolalaydiken hemde ularning ayliq ma'ashimu yerlik resmiyleshken oqutquchilargha oxshash bolup, yiligha 15 ming som etrapida bolidiken.

Mezkur pilanda yene "gherbiy rayon'gha kélip toxtam tüzüp oqutquchiliq qilghuchilar, toxtam waqti toshqandin kéyin özi ishligen mektepte yaki bashqa mektep orunlirida ishleymen dése ixtiyari iken. Eger oqutquchiliqtin bashqa xizmet qilimen dése, yerlik hökümet orunlirining ulargha qolayliq yaritip bérish mejburiyiti bar iken.

Xitay hökümiti teripidin otturigha qoyulghan bu oqutquchiliq alahide programmisi pilani heqqide chet'ellerdiki Uyghur we xitay ziyaliyliri türlük oxshimighan pikirlerni otturigha qoymaqta. Bir qisim xitay ziyaliyliri "mezkur pilan yéza ma'aripida mewjut mesililerni hel qilishning yaxshi amali, chünki bundaq qilish arqiliq gherbiy rayondiki oqutquchi kam bolungtek mesilini bir terep qilghili bolidu " dep bildürmekte.

Bu heqtiki tepsili melumatlarni, muxbirimiz méhribanning mexsus programmisidin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet