Xelq'araliq pelestin ammiwiy hemkarliq yighinigha Uyghurlarmu qatnashti

2009 ‏ - Yili 5 ‏ - ayning 22 we 23 ‏ - künliri istanbul shehirining beylikdüzü rayonidiki kaya ramada méhmanxanisida xelq'araliq pelestin ammiwiy hemkarliq yighini échildi.
Muxbirimiz arslan
2009.05.27
Pelestinni-qollash-yighini-305 2009 ‏ - Yili 5 ‏ - ayning 22 we 23 ‏ - künliri istanbul shehirining beylikdüzü rayonidiki kaya ramada méhmanxanisida échilghan xelqaraliq pelestin ammiwiy hemkarliq yighinidin bir körünüsh.
RFA Photo / Arslan

Yighinni türkiyining insaniy yardem wexpi, dunya islam ölimalar jem'iyiti, ereb ittipaqi birleshmisi, xelq'ara quddus mu'essesesi, ereb doktorlar birleshmisi qatarliq teshkilatlar birlikte uyushturdi.

 Yighinda türkiyining parlamént ezasi we türkiye ‏ - pelestin parlamént ezaliri dostluq guruppisining re'isi zeyd aslan, sudanning sabiq dölet re'isi mushir sirwar ezzahab, dunya islam ölimalar jem'iyitining re'isi doktur yüsüp qeradawi, shwétsiyilik siyasiy pa'aliyetchi proféssor doktur matt'és gardél, türkiye insaniy yardem wexpining re'isi bulent yildirim, malayshiyaning sabiq ministiri enwer ibrahim, pakistan islam partiyisining tashqi ishlar mes'uli abdulghaffar eziz qatarliq köpligen muhim shexsler söz qildi.

Yighin'gha 25 dölettiki siyasi partiye, jem'iyet we xelq'araliq ijtima'iy teshkilatlarning wekilliri qatnashti. Yighin'gha türkiyide pa'aliyet qiliwatqan sherqiy türkistan ma'arip we hemkarliq jem'iyitimu teklip qilin'ghan bolup jem'iyet re'isi hidayetulla oghuzxan bashchiliqidiki bir hey'et ishtirak qildi.

Yighinning asasi meqsiti, pelestin mesilisini hel qilish yolini izdesh, pütkül islam dunyasini pelestin xelqige yardem qilishqa chaqiriq qilish, ghezze ambargosini bikar qilish qatarliq muhim nuqtilardin ibaret iken.

Ikki kün dawam qilghan bu yighin jeryanida sherqiy türkistan ma'arip we hemkarliq jem'iyitining re'isi hidayetulla oghuzxan bashchiliqidiki hey'et ereb döletliridin kelgen muhim shexsler alimlar we tetqiqatchilar bilen ayrim ‏ - ayrim uchriship Uyghurlar we sherqiy türkistan mesilisi heqqide söhbet élip bardi.

Biz bu heqte sherqiy türkistan ma'arip we hemkarliq jem'iyitining re'isi hidayetulla oghuzxandin melumat igiliduq. Hidayetulla oghuzxan ependining bildürüshiche, bu yighin jeryanida ereb döletliridin kelgen muhim shexsler bilen ayrim ‏ - ayrim uchriship sherqiy türkistan mesilisi we Uyghurlarning tarixi we hazirqi ehwali heqqide söhbet élip barghan we ularni pelestin mesilisige köngül bölgen'ge oxshash sherqiy türkistan mesilisigimu köngül bölüshke chaqiriq qilghan.

Biz yighin jeryanida bu yighinda söz qilghan,islam dunyasi alimliri jem'iyitining re'isi doktur yüsüf qeradawini ziyaret qilip Uyghurlar we sherqiy türkistan mesilisi heqqide söhbet élip barduq. Doktur yüsüp qerdawi Uyghur musulmanlarning ehwali heqqide némilerni bilisiz we ular heqqide qandaq oylaysiz dégen so'alimiz jawab bérip mundaq dédi: "biz dawamliq sherqiy türkistanliq qérindashlirimizni oylaymiz, ular islam ümmitining bir qismi, u weten islam dunyasining bir parchisi, biz ulardin, ular bizdin bolup, biz ular bilen eqidimiz oxshash qérindash, bizning qiblimiz bir, biz ularning xitaylar teripidin zulumgha uchrawatqanliqini bilimiz, ularning ehwalini közitip kéliwatimiz, biz ularni ziyaret qilishni xalaymiz, ularning dinda mustehkem turushini, weten,xelqini azad qilish yolida imkaniyetning yétishiche tirishchanliq qilishini ümid qilimiz."

Biz bu heqte sherqiy türkistan ma'arip we hemkarliq jem'iyitining re'isi hidayetulla oghuzxandin melumat igiliduq.  Hidayetulla oghuzxan ependining bildürüshiche, u yighin jeryanida ereb döletliridin kelgen muhim shexsler bilen ayrim ‏ - ayrim uchriship sherqiy türkistan mesilisi, Uyghurlarning tarixi we hazirqi ehwali heqqide söhbet élip barghan we ularni pelestin mesilisige köngül bölgen'ge oxshash sherqiy türkistan mesilisigimu köngül bölüshke chaqirghan.

 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.