Peyziwat nahiye qosh'awat partkom sékrétari lining qilmishlirigha shikayet

Yéqinda peyziwat nahiye qosh'awat yézisi déhqanlirining, " bundaq partkom shujisining qilmishliri qandaq aqiwet peyda qilar? " namliq erzi, Uyghur élidiki bir qisim tor meydanlirida élan qilin'ghan.
Muxbirimiz eqide
2008-12-23
Élxet
Pikir
Share
Print
Uyghur diyarining namelum yézisidiki uyghur déhqanlirining hashar üstidiki körünüshi.
Uyghur diyarining namelum yézisidiki uyghur déhqanlirining hashar üstidiki körünüshi.
RFA File

Bu erz élan qilin'ghandin kéyin, kishiler arisida küchlük inkaslarni peyda qildi, mezkur erznamida qosh'awat yézisidiki li shujining déhqanlargha yürgüzüwatqan jazanixorluq qilmishliri pash qilin'ghan bolup, biz li shujini téléfun arqiliq ziyaret qilghinimizda, u özi üstide qilin'ghan shikayetlerning pütünley töhmet ikenlikini,qosh'awat yézisidiki barliq déhqanlarning uni yaxshi köridighanliqini bildürdi. Emma déhqanlardin igiligen melumatlirimiz li shujining sözlirini pütünley inkar qildi.

Peyziwat nahiye qosh'awat yézisining partkom sékrétari lining qilmishliri shikayet qilin'ghan erzde bayan qilinishiche, li déhqanlardin her yili yer höddige bergende artuq chiqqan yerge pul yiqqandin sirt, su puli we yéngi échilghan yerge 100 yüendin 150 yüen'giche pul yighidiken. Shuningdek 2008 ‏ - yili séliq türlirini 20 xildin ashurghan. U yene déhqanlardin yiqqan pul bilen yachéyka shujilirini 30 ming yüendin 60 ming yüen'giche mukapatlighan. Li yene mexsus qimar soruni tüzep, yachéyka kadirliri bilen qimar oynashni adetlendürgen bolup, uning bilen qanche köp qimar oynighan kadir shunche etiwarlan'ghan.

U hetta ochuq ‏ - ashkara " qimar oynimighan kadir bedinide erkek tüki yoq kadir, bedinide erkek tüki yoq kishi qandaqmu kadirliq qilalisun " dégendek sözler bilen kadirlarni qimar oynashqa mejburlaydiken.

Li bulardin sirt, yéziliq hökümetning qorusidin 3 éghiz öyde mexsus keklik, qirghawul, kök kepter baqidighan we bularni mexsus li üchün ta'am qilip teyyarlaydighan ashpez we bashqa emgek küchlirini ajratqandin sirt, besh ‏ - alte ayal xizmetkarni ishqa salidiken.

Erzde, li üchün xizmet qiliwatqan bu kishiler dölet kadirimu yaki xizmetkarmu buni déhqanlarning éniq ayriyalmaywatqanliqi otturigha qoyulghan bolup, bu kishilerning kéche - kündüz uning éhtiyajidin chiqidighanliqi tekitlen'gen.

Erzde yene, lining shéker kölde méhmansaray, qimarxana, pahishexanilar achqanliqini ashkarilighan.

Yuqiriqidek qilmishliri bilen qosh'awat yézisidiki déhqanlarning naraziliqini meydan'gha keltürgen li shuji toghrisidiki shikayetler heqqide melumat igilesh üchün biz aldi bilen li shujini ziyaret qilduq .

Ziyaritimizni qizghinliq bilen qobul qilghan li shuji, bularning hemmisining özi üstidin qilin'ghan töhmet ikenlikini éytti. U "sen yéza kadirliridin méning qandaq bir kishi ikenlikimni sürüshtürgin, méning üstümdin töhmet oydurghan kishiler manga ayan, buni qilghan déhqanlar emes, buni qilghan bir qisim yéza kadirliri," dédi. Heqiqeten li heqqide yézilghan naraziliq xétide " bu erzname mezkur shujining hemme ishliridin xewerdar kadir teripidin yézilghan, ular erzni nahiyige sunsa nahiyining yene shujigha chüshürüp bérishidin ensirep torgha yollashni toghra tapqan," dep eskertilgen idi.

Anche ‏ - munche Uyghurche sözleshni öginiwalghan li ziyaritimiz jeryanida chüshinish nahayiti qéyin halette özini aqlashqa tirishti.

Li ziyaritimiz dawamida qayta ‏ - qayta men erzde éytilghan nachar illetlerdin xali, men toghra we durus adem bolghanliqim üchün partiye manga 15 yildin buyan partkom shujisi bolush wezipisini bergen. Men déhqanlar bilen nahayiti inaq ‏ - ittipaq ötimen, déhqanlar méni nahayiti yaxshi köridu dep özini aqlashqa tirishti. Biz uningdin undaq bolsa biz yéza déhqanliridin séning heqqingde ehwal igilisek, déhqanlar sen éytqandek séning durus insan ikenlikingni bizge éytarmu ? dep soriduq . U sel ikkilinip, men ishinimen, ular toghra sözleydu dédi.

Shuning bilen biz yézidiki déhqanlarni ziyaret qilduq.

Déhqanlar birinchi qol yéza bashliqining li bilen til biriktürüp, uni izchil himaye qilidighanliqini, hetta helek isimlik yene bir yéza bashliqining uning bilen eyshi ‏ - ishrette birge ikenlikini bizge éytip berdi. Emma, li shuji bizning yézida bundaq bir adem yoq dep chüshendürüsh berdi.

Emma birinchi qol yéza bashliqi, déhqanlar éytqan helek isimlik kishining héli haji ikenlikini toghrilap berdi.

Sözide li shujini qayta ‏ - qayta aqlighan yéza bashliqi, biz yézidiki déhqanlarning köpinchisining li üstidin shikayet qiliwatqanliqini éytqinimizda, azraq ikkilinip, az ‏ - tola mesililerning mewjut ikenlikige iqrar qildi.

Toluq bet