Qaraqashtiki 3 ösmür mehkum heqqide

Qaraqash nahiyilik saqchi idarisi bilen ma'arip idarisi qaraqash nahiyiside yüz bergen 23 ‏ - may namayishigha qétilghanliqi üchün jazalan'ghan 14 neper mehkumning arisida 3 ösmür barliqini inkar qilghan. Tünügün igilishimizche , 3 ösmürning jazalan'ghanliqining toghriliqi ispatlan'ghan idi. Bügün bu 3 ösmürning qaraqash nahiyilik 3 ‏ - ottura mektep toluqsiz 2 ‏ - we 3 ‏ - yilliqning oqughuchiliri ikenliki ashkarilandi.
Muxbirimiz shöhret hoshur xewiri
2008-05-30
Share

 Ashkarilinishiche , ösmür mehkumlar 14 , 15 we 16 yashta bolup , ular bir yildin 3 yilgha qeder perqliq qamaq jazasigha höküm qilin'ghan.

 Biz ösmür mehkumlarning isimlikini igilesh üchün aridin 15 minut ötküzüp birqanche ret téléfon qilghan bolsaqmu, mezkur rehber téléfonimizgha jawab qayturmidi.

Birleshken döletler teshkilati 1959 ‏ - yili 20 ‏ - noyabir küni b d t balilar hoquqi xitabnamisini élan qilghan. Xitabnamida, balilarning chonglargha nisbeten alahide perqliq heq - hoquqlargha ige ikenliki bildürülgen. B d t yene 1989 ‏ - yili 20 ‏ - noyabir küni b d t balilar hoquqigha a'it ehdinamiler namliq kélishim qobul qilghan. Shu yili kélishimge qol qoyghan 193 döletning ichide xitaymu bar. Bu kélishimning birinchi qisim birinchi maddisida, 18 yashqa tolmighan kishiler balilar qatarigha kiridu dep körsitilgen.

Kélishimning 15 ‏ - maddisida, balilar chonglargha oxshashla teshkilat qurush, teshkilatqa qatnishish we ijtima'iy heriketlerge qétilish hoquqigha ige déyilgen. Kélishimnamide yene, balilarning öz oy pikrini meyli söz , meyli heriket arqiliq bolsun otturigha qoyush hoquqi bar dep eskertilgen. Emma qaraqash 3 ‏ - ottura mektipining bu üch oqughuchisi namayishqa qétilghini üchünla jazalan'ghan.

Xelqara qanunlar balilarning yashash heqqi, terbiyilinish heqqi we étibargha érishish heqqini insaniy heqning eng muhim terkibliri dep tonuydu. Emma, jazalinish ehwali 3 ‏ - ottura mektep üchün yéngi bir ehwal emes. Bundaq ehwal bultur 12 ‏ - aydimu bir qétim yüz bergen. Mektepning toluqsiz yilliqida oquwatqan rozi isimlik bir oqughuchi 6 ayliq qamaq jazasini bashtin kechürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet