Qazaqistan we xitay gaz turuba liniyisi boyiche shirket qurdi

Bu liniye arqiliq gherbiy qazaqistanning néfit we gaz kanliridiki tebi'iy gazni memliketning jenubiy qismigha yötkep, qizilorda, jenubiy qazaqistan, jambul we almata wilayetlirini gaz bilen üzlüksiz teminlesh shundaqla qazaqistan-xitay gaz turubisi liniyisi arqiliq xitaygha éksport qilish közde tutulghan. Béyné'u-bozoy-chimkent gaz turubisi liniyisini sélishqa 3,6 milyard dollar serp qilinmaqchi.

Xewerde özbékistandin kélidighan gaz miqdarining cheklinishi we ilgiriki gaz turubilirining téxnikiliq jehettin ajizlashqanliqi sewebidin qazaqistanning jenubiy wilayetliride tebi'iy gazdin paydilinish mumkinchiliklirining qiyinlashqanliqi éytilghan. Shundaqla mezkur liniyini püttürüsh qereli ottuz yilgha mölcherlen'gen bolup, uning ish bashlishi bilen qizilorda wilayitige bérilidighan gaz miqdarining 5 hesse, jenubiy qazaqistan wilayiti boyiche 2,5 hesse, jambul wilayiti boyiche 3 hesse, almata wilayiti we almata shehiri boyiche 4,4 hesse köpiyidighanliqi ilgiri sürülgen.

Melumki, 16-dékabir küni qazaqistanning "kaztransgaz" shirkiti we xitayning "trans-asiya..." Kompaniyisi wekilliri ikki otturida "béyné'u-chimkent gaz turubisi" shirkitining qurulghanliqi toghriliq kélishimge qol qoyghan idi. Bu layihini qazaqistanliq we xitay mutexessisliri barawer emelge ashurmaqchi.