Qeyseridiki Uyghurlar dala seylisige chiqti

Türkiyide, kishiler öz'ara dostluqni kücheytish, bir - birini chüshinish we hemkarliqni kücheytish, yash - ösmürlerni söyündürüsh meqsiti bilen yaz aylirida dala seylisige chiqip, birlikte dala yémiki yeydu. Baghchilarda, ormanliqlarda, ériq - östeng boylirida, tagh étekliride we yaylaqlarda dala tamiqi yéyish bilen bir waqitta her xil köngül échish pa'aliyetliri ötküzülidu.
Muxbirimiz erkin tarim
2010-08-09
Share
Qeyseride-dala-seylisi-305 Süret, 2010 - yili 8 - ayning 8 - küni, qeyseridiki uyghurlar qeyseri sarmisaqli su ambirining boyidiki dala seyliside yémek yewatqan körünüsh.
RFA Photo / Erkin Tarim

Bu yil, 8 - ayning 8 - küni, qeyseridiki Uyghurlar qeyseri sarmisaqli su ambirining boyida dala yémiki yédi. Sherqiy türkistan medeniyet we hemkarliq teshkilati uyushturghan bu pa'aliyetke chong kichik bolup 200 etrapida Uyghur qatnashti, dala yémiki üchün polo, kawap qatarliq tamaqlar teyyarlandi .

Yémek yéyilip bolun'ghandin kéyin, yash - ösmürler ara alma yéyish musabiqisi, qétiq ichish musabiqisi, su chéchish musabiqisi, uzun'gha we égizge sekresh musabiqisi, arghamcha tartishish musabiqisi we top musabiqisigha oxshash türlük musabiqiler ötküzüldi.
Qeyseride-dala-seylisi-musabiqe-305
Süret, 2010 - yili 8 - ayning 8 - küni, qeyseridiki uyghurlar qeyseri sarmisaqli su ambirining boyidiki dala seyliside, yash ösmürler oyun oynawatqan körünüsh.
RFA Photo / Erkin Tarim

Bu pa'aliyet etigen sa'et 8 yérimdin, axsham sa'et 8 giche dawamlashqan bolup, pa'aliyet axirlashqandin kéyin, köpchilik nahayiti xoshal - xuramliq bilen öylirige qaytishti.

Biz bu dala seylisi pa'aliyiti heqqide tepsili melumat élish üchün teshkilat mes'ulliri we dala yémikige daxil bolghan kishiler bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet