Қиличдар оғли үрүмчи сәһнилиридә күтүлүватқанда үрүмчиниң арқа кочилирида болуп өткән вәқәләр (2)

Үрүмчидә елип берилған һәр қетимлиқ чәтәл дөләт рәһбәрлириниң зиярәтлири хитай дөлити вә хитай хәлқигә маддий вә мәниви мәнпәәт ата қилса, йәрлик хәлқ болған уйғурларға дишварчилиқ вә дәрд-әләм ата қилмақта.
Мухбиримиз шөһрәт һошур
2013-01-21
Елхәт
Пикир
Share
Принт
Ғайиблардин имаммәмәт елиниң аниси патигүл ғулам.
Ғайиблардин имаммәмәт елиниң аниси патигүл ғулам.
RFA/Shohret Hoshur

Түркийә өктичи партийә рәһбири камал қиличдар оғлиниң үрүмчи зияритиму бу әнәниниң сиртида қалмиди. Мәлум болушичә, қиличдар оғли үрүмчигә келиштин бир күн аввал, дөләтниң әйибини ечиш еһтимали бар дәп қаралған нуқтилиқ шәхс вә аилиләр омумйүзлүк һалда нәзәрбәнд қилинған. Нәзәрбәндтин хәвәрсиз яки униңға писәнт қилмай кочиға чиққанлар, анилар вә балилар болушиға қаримай хитай сақчилириниң тил-һақарәт вә таяқ-тоқмақлириға йолуққан. Әслидә 18‏-январ күни бир қисим ғайиблар аилә-тавабиатлири, әрзийәт кадириниң вәдисигә асасән шәһәрлик сақчиға қарап йолға чиққан болуп, бу сәпәр уларниң қаттиқ бир мәйдан зорлуқ-зомбулуқ вә хорлуққа йолуқушиға сәвәб болған.

Юқиридики аваз улинишидин, бу вәқәниң җәрянини зиянкәшликкә учриғучиларниң өз еғизидин аңлайсиләр.

Пикирләр (0)
Share
Толуқ бәт