Islam dinida zaman axiri toghrisida qandaq étiqadi qarash mewjut?

Xitayda, maya kalindarigha asasen, 12 - ayning 21 - küni zaman axiri bolidighanliqi toghri'isda teshwiqat wariqi tarqatqan kishilerdin 1000 kishining tutqun qilin'ghanliqi ilgiri sürüldi.
Ixtiyariy muxbirimiz arslan
2012-12-21
Share


Diniy alim abdulkerim kuchar, zaman axirining yéqinlap kéliwatqanliqini, emma qachan kélidighanliqini allahtin bashqa héchkim bilmeydighanliqini, zaman axiri bolushning 10 xil chong alametliri barliqini, bu 10 xil alamet dunyada körülmey turup zaman axirining bolmaydighanliqini ipadilidi.

Xitay axbaratlirida élan qilin'ghan xewerlerde, xitayning her qaysi jaylirida qudretlik ilahning xristi'anliri namidiki teriqet murtliri zaman axiri bolidighanliqi toghrisida uchurlar tarqatqan. Bu kishiler qiyamet qayim bolidighanliqi yeni zaman axiri bolidighanliqi toghrisida insanlar köp toplashqan orunlarda, bazarlarda xelq arisida yuqiri awazliq yangratqu bilen jar sélip sözligen we kishiler arisida ensizlik peyda qilghan, teshwiqat wariqi we w s d pilastinkilar tarqatqan.

Qudretlik ilahning xrisi'anliri namidiki teriqet murtliridin, chingxeyde 400 kishi, guyjuda 350 kishi qolgha élin'ghan. Xitayda hazirghiche 1000 din artuq kishi tutqun qilin'ghanliqi ilgiri sürüldi. Béyjing shehiridimu oxshash weqeler yüz bérip 17 kishi qolgha élin'ghan. Bu teshkilatning teriqet murtliri 12 - ayning 21 - küni yéngi bir dewr kélidighanliqini we dunyada yer tewrep, déngiz tashqini bolidighanliqini tebi'iy apetlerning köp yüz béridighanliqini dawa qilghanliqi ilgiri sürüldi.

Xewerlerde yene, bu teriqet murtliri, xitay kommunist partiyisini nishan qilip, chong qizil ejdarhani yoqitinglar! dégen'ge oxshash sözlerni qilghanliqi bildürüldi. Xitay da'iriliri bu teriqet murtlirini, xelq arsi'ida qorqunch peyda qilish, ijitima'i muqimliqni bozush dégen'ge oxshash jinayetler bilen tutqun qilghan.

Dunyada 1 milyard 500 milyondin artuq insan islam dinigha étiqad qilidu. Islam dinida zaman axiri toghrisida qandaq étiqadi qarash mewjut? zaman axiri bolushning alametliri qandaq bolidu? musulmanlarning étiqadida, zaman axiri qandaq ehwalda yétip kélidu? xitaylarning zaman axiri bolidu dégen qarashlirining asasi barmu? bu so'allarning jawabigha érishish üchün istanbulda yashawatqan diniy alim abdulkerim kuchar we muminjanlar bilen söhbet élip barduq.

Abdulkerim kuchar, islam dinida zaman axiri bolidighanliqi toghri'isda éniq pakitlar barliqini, musulmanlarning zaman axiri boldu dep étiqad qilidighanliqini, emma uning qachan bolidighanliqi toghrisida allahtin bashqa héchkim bilmeydighanliqini, islam dinida zaman axiri bolushning 10 xil chong alametliri bolidighanliqini, bu 10 xil alamet dunyada körülmey turup zaman axirining bolmaydighanliqini, hazir dunyada zaman axiri bolushning kichik tiptiki alametlirining körülüwatqanliqini, chong tiptiki alametler körülgende zaman axiri bolidighanliqini, zaman axirining yéqinlap kéliwatqanliqini, emma qachan bolidighanliqini allahtin bashqa héchkim bilmeydighanliqini, hetta perishtilermu bilmeydighanliqini ipadilidi.

Diniy alim abdulkerim kuchar yene, xitaylarning zaman axiri bolidu dep mu'eyyen bir waqitni belgilishining héchqandaq bir asasiy yoq, batil étiqadqa asasen déyiliwatqan sepsete ikenlikini, qiyametning choqum bolidighanliqi, emma uning qachan bolidighanliqi toghrisida allahtin bashqa héchkim bilmeydighanliqi qur'an kerimde bayan qilin'ghanliqini, qiyamet qayim bolghanda yeni zaman axiri yétip kelgende, chong kémiler we yaki polattin yasalghan öylerning kar qilmaydighanliqini, dunya we dunyadiki pütün mexluqat we nerse - kérekler yoq bolidighanliqini, pütün insanlar ölüp yéngidin bir hayat bashlinidighanliqini tekitlidi.

Abdulkerim kuchar ependi, zaman axiri bolidu dep uchur tarqiliwatqan xitayda, xitaygha xas bir kichik tiptiki qiyametning bolushi éhtimali barliqini, xitay zulum qilishta chékidin éship kétiwatqan zalim hakimiyet bolghanliqi üchün öz ichide bir qiyametke oxshash bir weqening yüz bérish éhtimali barliqini ilgiri sürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet