ئەركىن سىدىق ئەپەندى ماقالىسىدا، ئۇيغۇر دىيارىدىكى ئالىي مەكتەپلەردە ئۇيغۇر تىلىنى ئىشلىتىشنىڭ ئەمەلدىن قالدۇرۇلۇشى، بولۇپمۇ ئۇيغۇر بالىلىرىنى ھازىرقىدەك باشلانغۇچ مەكتەپ 1 - سىنىپىدىن باشلاپلا ئانا تىلىنى پۈتۈنلەي قايرىپ قويۇپ، پەقەت خەنزۇ تىلىنى ئۆگىنىش ھەمدە ھەممە دەرسلەرنى خەنزۇ تىلىدا ئاڭلاشنى يولغا قويۇشنىڭ خاتا ئىكەنلىكىنى شەرھىلەپ ئۆتكەن .
ئەركىن سىدىق ئەپەندى ئامېرىكا قاتارلىق تەرەققى قىلغان غەرب دۆلەتلىرىدە ئېلىپ بېرىلغان ئۇزۇن مۇددەتلىك ئىلمىي تەتقىقاتلارنىڭ نەتىجىلىرىگە ئاساسلانغان ھالدا ، ئۇيغۇر ئېلىدىكى قوش تىللىق مائارىپ پروگراممىسىنىڭ بالىلارنىڭ تىل ئۆگىنىشى، بىلىم ئېلىشى جەھەتتىكى تەرەققىياتىغا ئېغىر دەرىجىدە دەخلى يەتكۈزۈدىغانلىقىنى بىلدۈردى.
يۇقىرىدىكى ئاۋاز ئۇلىنىشىدىن، مۇخبىرىمىز ئەقىدەنىڭ خىتاي دائىرىلىرىنىڭ ئۇيغۇرلارغا قارىتا يۈرگۈزۈۋاتقان " قوش تىللىق مائارىپ " سىياسىتى ۋە ئامېرىكىدا يولغا قويۇلغان قوش تىللىق مائارىپ پروگراممىلىرى توغرىسىدا ئەركىن ئەپەندى بىلەن ئېلىپ بارغان سۆھبىتىنىڭ تەپسىلاتىنى ئاڭلايسىز.