Qosh'awat yéziliq partkom sékrétari li heqqide mulahize

Yaponiyilik bir muxbirning qeshqer ziyaritidin kéyin, Youtube ta élan qilghan, uyghur dixanlirining xitayning baj - séliqigha qilghan naliliri ekis ettürülgen sin - alghusidin tartilghan süret.

Uyghur ziyaliylirining qarishiche, parixorluq xitaydiki rehberlik qatlimi üchün heyran qalarliq illet emes. Emma parixorluq bilen bille hem mushtumzorluq, qimarwazliq, istiliy buzuqluq qatarliq bir yürüsh illetlerning hemmisining sékrétarda lida tépilishi؛ lidiki bu illetlerni yézidiki pütün xelqning bilishi kishini oylanduridighan ehwaldur.

Mana mushundaq bir kishi qandaq bolup, yézining sékrétari bolup qaldi? mushundaq bir kishi qandaqlarche 15 yil hoquq tutalidi? bu so'allargha nöwette shiwétsiyide yashawatqan Uyghur ziyaliyliridin mirza'exmet muhemmed ependi etrapliq jawap béridu.

Mirza'exmet ependining qarishiche, emeldarlardiki chiriklikning yiltizi siyasi tüzülmide we hakimiyetning xaraktérida. Sotsiyalist tüzüm sékrétar ligha parixorluq pursitini, mustemlikichi hakimiyet bolsa, mushtumzorluq we istiliy buzuqluq pursitini bergen.
 
Mirza'exmet ependining qarishiche, chiriklikte bu derijige yetken bir rehber peqet Uyghur élide tépilidu, bolupmu Uyghur élining jenubtiki wilayetliride köp uchraydu. Chünki jenubtiki iqtisadiy shara'itning téximu nachar bolushi, bir qisim kishilerni jan qayghusigha sélip qoyghan؛ ularda heq-hoquqini izdesh emes, oylash jasaritimu qaldurmighan. Mana bu seweblik chirik emeldarlar shiddetlik we ejellik qarshiliqlargha duch kelmigen, chiriklikte heddidin ashqan.

Mirza'exmet ependi sözining axirida, bu yil olimpik mezgilide peyziwatta yüz bergen, yamanyar weqesi , qizilboyi weqesini eslep ötti we ene eshu weqeni peyda qilghan yashlarning meqsetliridin birining "ligha oxshash emeldarlargha heddini bildürüp qoyush" ikenlikini eskertti.