Meschit heremde 34 - nöwetlik xelq'araliq qur'an musabiqisi ötküzüldi

Musulmanlarning qiblisi bolghan meschit heremde her yili qur'an oqush musabiqisi ötküzüsh se'udi erebistanining qurghuchisi padishah abdul'ezizining zamanisidin bashlap dawam qilip kelgen bir diniy pa'aliyettur.
Ixtiyari muxbirimiz ömerjan
2012.12.06
Share on WhatsApp
Share on WhatsApp
mekke-34-quran-musabiqisi-305.png Meschit heremdiki 34 - nöwetlik xelq'araliq qur'an musabiqisidin bir körünüsh
RFA/Omerjan


Mezkur musabiqige dunyaning her qaysi döletliridin oqughuchilar, hetta chonglarmu kélip ishtirak qilidu. Bu yilqi musabiqe 34 - nöwetlik musabiqe bolup, uninggha asiya, afriqa we yawropa qit'eliridiki döletlerdin bolup jemi 53 dölettin 164 qari ishtirak qilghan.

Se'udi erebistani hökümiti musabiqige qatnashquchilarning se'udi erebistanigha kélip - kétish, yétip - qopush hem yimek - ichmek chiqimlirining hemmisini öz üstige alghanning sirtida, musabiqide utup chiqqanlarni mukapatlash üchün 2 milyon850 ming riyal(760 ming dollar) ajratqan.

Musabiqe 2012 - yili2 - dikabir küni bashlan'ghan bolup, bir hepte dawam qilidiken. Musabiqini uyushturghanlar se'udi erebistan din teshwiqat we dewet ministirliqi bolup, musabiqige qatnashquchilarni dunyaning her qaysi jayliridin teklip qilin'ghan katta ölimalar bilen qariylar bahalaydiken. Musabiqe asasen qur'an oqush, uning menisini éytip bérish bilen bolidiken.

Meschit heremdiki qur'an musabiqisidin bir körünüsh2012 - yili4 - dikabir.

Meschit heremde dawam qiliwatqan bu musabiqining tepsilati se'udi erebistanida chiqidighan barliq gézit we radi'o - téléwiziye qanalliridin keng tarqilip turmaqta.

Bahalash komitétining bashliqining sözi

Nöwettiki 34 - nöwetlik qur'an kerim musabiqisini bahalash komitétining bashliqi doktor ibrahim ibni se'd dusiri se'udi erebistanidiki qur'an kerim radi'osigha bergen bayanatida mundaq dédi:“Qur'an kerim musabiqisi eng shereplik musabiqilerning biridur. Bu musabiqini se'udi erebistanining qurghuchisi merhum padishah abdul'eziz ali se'ud tunji qétim orunlashturghan we yolgha qoyghan bolup, yillardin biri bu ish dawam qilmaqta, uning perzentliri atisining bu yaxshi ishini her yili élip barmaqta. Ötken yili bu musabiqige 783 kishi ishtirak qilghan idi. Bu yilqi san uningdin az bolsimu, musabiqe nahayiti retlik élip bérilmaqta. Musabiqini bahalighuchilar birinchi küni 41 qarini tingshighan, ikkinchi küni60 qarini tingshidi, üchinchi künide62 qarini tingshidi. Hemmini tingshap bolghandin kéyin musabiqe netijisi élan qilinidu we utup chiqqanlar mukapatlinidu.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.