ئۇلۇغ ئەدىپ يۈسۈپ خاس ھاجىپنىڭ قۇتادغۇبىلىك ناملىق ئەسىرى تۈركىيىدە قايتا نەشر قىلىندى
2006.05.25
ئۇلۇغ شائىر، ئەدىپ يۈسۈپ خاس ھاجىپنىڭ قۇتادغۇبىلىك ناملىق ئەسىرى تۈركىيىدە قايتا رەتلىنىپ نەشىر قىلىندى. كابالجى نەشرىياتى تەرىپىدىن نەشىر قىلىنغان بۇ كىتاپ 1287 بەتتىن تەركىپ تاپقان بولۇپ، كىتابنىڭ كىرىش قىسمىدا قۇتادغۇبىلىك ۋە تۈركلۈك ھەققىدە مەلۇمات، قاراخانلار خانلىقى ۋە ئۇنىڭ قوشنىلىرى بىلەن بولغان مۇناسىۋىتى، قەشقەر ھۆكۈمدارى ھەسەن بىن سۇلايمان ھەققىدە مەلۇمات، قاراخانىلار مەزگىلىدە يېزىلغان ئەسەرلەر، يۈسۈپ ھاس ھاجىپ ھەققىدە مەلۇمات، قۇتادغۇبىلىكنىڭ ئورىگىنالى، قۇتادغۇبىلىكنىڭ بۈگۈنكى نۇسخىسى ھەققىدە، قۇتادغۇبىلىكنىڭ قايتا نەشىر قىلىنىشى قاتارلىق مەلۇماتلارغا يەر بېرىلگەن.
كىتابتا يەنە قۇتادغۇبىلىكنىڭ ترانسكرىپسىيىسى ۋە تۈركچە تەرجىمىسى بېرىلگەن. بۇ كىتاپ كابالجى نەشرىياتى تەرىپىدىن نەشىر قىلىنىۋاتقان تۈرك كىلاسسىك ئەسەرلىرىنىڭ ئىچىدىكى بىرىدۇر.
بىز بۇ ئەسەرنىڭ نەشىر قىلىنىشى ۋە تۈركىيىدىكى ئەھمىيىتى ھەققىدە مەلۇمات ئېلىش ئۈچۈن بۇ كىتابنى نەشىر قىلغان كابالجى نەشرىياتىنىڭ باش تەھرىرى سەراپ يۇرتەسەر خانىم بىلەن سۆھبەت ئېلىپ باردۇق.
بۇ ھەقتىكى مەلۇماتلارنى، تۈركىيىدىكى ئىختىيارى مۇخبىرىمىز ئەركىن تارىمدىن ئاڭلاڭ.
مۇناسىۋەتلىك ماقالىلار
كۆپ كۆرۈلگەن خەۋەرلەر
RFA
- ئەركىن ئاسىيا رادىيوسى ئۇيغۇر بۆلۈمى: خىتاينىڭ ئۇيغۇرلار ئۈستىدىكى شەپقەتسىز ھۆكۈمرانلىقىنىڭ زۇلمەتلىرىنى يېرىپ ئۆتكۈچى نۇر
- ئەنگلىيە ھۆكۈمىتى ئۇيغۇر قۇللۇق ئەمگىكى سەۋەبىدىن خىتايدا ئىشلەنگەن كۈنتاختىلارنى چەكلەيدىغانلىقىنى ئېلان قىلدى
- گېرمانىيەنىڭ ئەڭ چوڭ خىمىيە سانائىتى شىركىتى قاتتىق ئەيىبلەشلەردىن كېيىن ئۇيغۇر رايونىدىن ئايرىلغانلىقىنى ئېلان قىلدى
- ئۇيغۇر كىشىلىك ھوقۇق قۇرۇلۇشى خەلقئارالىق مېھمانخانا زەنجىرلىرىنىڭ ئۇيغۇر رايونىدا كېڭىيىۋاتقانلىقىنى ئەيىبلەپ دوكلات ئېلان قىلدى
- شىنجاڭ ھۆكۈمىتى يېقىندا تەمبۇر چالغان ئۇيغۇر قىزنىڭ ۋىدىيوسىنى تارتقان خىتاي سەنئەتكارنى جازالىغان