رابىيە قادىر خانىم ئەرەب تېلېۋىزورىدا

ئەرەب دۇنياسىدا ئۇيغۇرلارنىڭ ئەھۋالىغا قىزىقىدىغانلارمۇ ئاز ئەمەس، خۇسۇسەن دىنىغا مەھكەم مۇسۇلمانلار ئۇيغۇرلارنىڭ غېمىنى يېيىشنى ۋە ئۇلارغا قولىدىن كەلگەنچە ياردەم قىلىشنى دىنىي بۇرچ دەپ بىلىدۇ.
ئىختىيارىي مۇخبىرىمىز ئۆمەرجان
2012-08-01
Share
rabiye-el-jezire-tv-305.jpg رابىيە قادىر خانىم «ئەل جەزىرە» تېلېۋىزىيىسىدە. 2010-يىلى.
Social Media

ئەرەبلەرنىڭ تەشۋىقات ۋاسىتىلىرىدە پات-پات ئۇيغۇرلار ۋە ئۇلارنىڭ ئانا ۋەتىنىنى تونۇشتۇرغان پروگراممىلار بېرىلىپ تۇرىدۇ. بولۇپمۇ قاتارنىڭ مەشھۇر تېلېۋىزىيە قانىلى «ئەل جەزىرە» ئۇيغۇرلارنى كۆپرەك تونۇشتۇرۇپ كەلمەكتە.

2012-يىلى 31-ئىيۇل كۈنى ئەتىگەندە قاتارنىڭ «ئەل جەزىرە» تېلېۋىزىيە قانىلىدا ئۇيغۇر مىللىي ھەرىكىتىنىڭ رەھبىرى رابىيە قادىر خانىم تونۇشتۇرۇلدى. بۇ پروگراممىنىڭ ۋاقتى بىر سائەتتىن كۆپرەك بولۇپ، رابىيە خانىمنىڭ ياش ۋاقتى، ئۇنىڭ سودا ساھەسىگە كىرىشى، سىدىق ھاجى روزىغا ئۆيلىنىشى، بېيجىڭغا قۇرۇلتايغا بېرىشى، ئېلىپ بارغان خەلقچىل پائالىيەتلىرى، ئاخىرىدا دۆلەت مەخپىيەتلىكىنى چەتئەللىكلەرگە ئەۋەتكەن دېگەن باھانە بىلەن تۈرمىگە ئېلىنىشى قاتارلىق بىر يۈرۈش سەرگۈزەشتلىرى ناھايىتى تولۇق تەسۋىرلەنگەن. پروگراممىدا يەنە، رابىيە خانىمنىڭ ئامېرىكىغا بارغاندىن كېيىنكى مىللىي ھەرىكىتى ۋە ئېلىپ بارغان پائالىيەتلىرى تونۇشتۇرۇلدى.

پروگراممىدا رابىيە قادىر خانىم بىلەن سىدىق ھاجى روزى سۆزلىگەن بولۇپ، ئۇلار بېشىدىن ئۆتكەن سەرگۈزەشتلىرىنى ناھايىتى تەسىرلىك ھالدا سۆزلەپ بەرگەن. مۇخبىرلارنىڭ سوئاللىرىغىمۇ ئىنتايىن چۈشىنىشلىك ھەم ئىخچام جاۋاب بەرگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت