Rabiye qadir xanim ereb téléwizorida

Ereblerning teshwiqat wasitiliride pat-pat Uyghurlar we ularning ana wetinini tonushturghan programmilar bérilip turidu. Bolupmu qatarning meshhur téléwiziye qanili “El jezire” Uyghurlarni köprek tonushturup kelmekte.

2012-Yili 31-iyul küni etigende qatarning “El jezire” téléwiziye qanilida Uyghur milliy herikitining rehbiri rabiye qadir xanim tonushturuldi. Bu programmining waqti bir sa'ettin köprek bolup, rabiye xanimning yash waqti, uning soda sahesige kirishi, sidiq haji rozigha öylinishi, béyjinggha qurultaygha bérishi, élip barghan xelqchil pa'aliyetliri, axirida dölet mexpiyetlikini chet'elliklerge ewetken dégen bahane bilen türmige élinishi qatarliq bir yürüsh sergüzeshtliri nahayiti toluq teswirlen'gen. Programmida yene, rabiye xanimning amérikigha barghandin kéyinki milliy herikiti we élip barghan pa'aliyetliri tonushturuldi.

Programmida rabiye qadir xanim bilen sidiq haji rozi sözligen bolup, ular béshidin ötken sergüzeshtlirini nahayiti tesirlik halda sözlep bergen. Muxbirlarning so'allirighimu intayin chüshinishlik hem ixcham jawab bergen.