Uyghur milliy herikiti rehbiri rabiye qadir xanim “Xelq'araliq erkinlik mukapati” gha érishti
Uyghur milliy herikiti rehbiri rabiye qadir xanim “Xelq'araliq erkinlik mukapati” gha érishti. 2013-Yili 16-yanwar, amérika.
16-Yanwar küni axshimi wirginiye shitaning merkizi richmond shehiride ötküzülgen murasimda rabiye qadir xanim bu mukapatni tapshuruwaldi. Bu mukapat rabiye xanimning Uyghurlarning diniy étiqad erkinlikini ilgiri sürüshte qoshqan töhpilirige bérilgen.
Bu yilliq mukapat rabiye qadir xanim bilen birlikte yene wilyam we mériy institutining mudiri taylor réwély hemde “Kishilik hoquq birinchi” teshkilatidiki tad stanké qatarliq kishilergimu bérildi.
“Xelq'araliq erkinlik mukapati” her yili 16-yanwar wirginiye shtatida xatirilinidighan “Diniy erkinlik küni” ni munasiwiti bilen yilda bir qétim tarqitilidu. 16-Yanwardiki murasimgha dangliq kishilik hoquq pa'aliyetchiliri, amérika hökümitining wekilliri, dölet mejlis ezaliri, proféssorlar we bashqa her sahege mensup kishilik hoquq hem diniy étiqad erkinlikini himaye qilidighan erbaplardin 500 etrapida kishi qatnashti. Rabiye xanim mukapatni tapshuruwalghanda pütün zaldikiler ornidin turup hörmet bildürdi.
Rabiye qadir xanim ilgiri norwégiyining “Rafto kishilik hoquq mukapati” gha hemde bashqa bir qisim mukapatlarghimu sazawer bolghan. U yene bir nechche qétim “Nobél tinchliq mukapati” ning namzati bolghan idi.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- “Xitayning dölet halqighan basturush xewpi we buninggha qarshi amérikaning inkasi”
- Xitay j x ministiri jaw kéji: “Shinjangdiki küreshte shi jinpingning ümidi emelge ashti!” (1)
- Yoqitiliwatqan Uyghur milliy örp-adetliri
- Türkiyediki Uyghurlar duch kéliwatqan qiyinchiliqlarni hel qilish üchün türkiye hökümitige iltimas sunuldi
