Rabiye xanim awstraliyige yétip bardi we perzentlirining xéti heqqide toxtaldi

Süret,29 - iyul küni, rabiye xanimning yaponiye döletlik axbarat kulubida muxbirlarning soallirigha jawap bériwatqan körünüshi.

Rabiye xanimning bu qétimqi awstraliye ziyariti 10 kün dawam qilidu. Bu jeryanda u axbarat yighini échish, awstraliye parlamént ezaliri bilen uchrishish we awstraliyidiki türk jama'itige 5 - iyul weqesi heqqide melumat bérish qatarliq pa'aliyetlerni élip baridu.

Bu qétimqi ziyaretning eng muhim qismi 8 - awghust küni bolup, bu küni rabiye xanim mélbornda ötküzilidighan xelq'araliq kino fistiwaligha méhman süpitide qatnishidu.
 
Rabiye xanim bügün sidnéy ayrodromida téléfon ziyaritimizni qobul qilip perzentlirige yazdurulghan xet üstide toxtaldi.
 
Rabiye xanimning tokyo ziyariti dawamida, xitay yaponiyidiki bash elchisini qayturup ekitish arqiliq yapon hökümitige qattiq naraziliq bildürgen idi. Xitay awstraliyigimu köp qétim telep sunup, rabiye xanim heqqide ishlen'gen kino filimini milborn kino fistiwaligha qatnashturmasliqni sorighan , emma telipi ret qilin'ghan idi. Rabiye xanim balilirining xéti heqqide qilghan sözide , xitayning her qandaq shekildiki hujumlirining özini toghra yoldin waz kechtürelmeydighanliqini, eksinche téximu küchlendürüdighanliqini bildürdi.

Rabiye xanim sözide yene, xitayning qoral küchige tayinip turup balilirining tilini we qelimini kontrol qilalaydighanliqini؛ emma ularning qelbini kontrol qilalmaydighanliqini, yeni ana - baliliq méhridin ibaret tengri ata qilghan bu muhebbetni xitayning yoq qilalmaydighanliqini eskertti.

Rabiye xanim sözide yene, "xitayning qiliwatqéni chidimasliq, Uyghur mesilisining dunyagha tonulup kétishidin endishe qilish" dep chüshendürdi.

Rabiye xanimning bu qétimqi awstraliye ziyaritining küntertipi heqqide awstraliye Uyghur jem'iyitining mes'uli hüsen ependimu melumat berdi.

Rabiye xanim, ziyaritimiz axirida xitay hökümitining néme üchün özige bu qeder öchmenlik qilidighanliqi heqqide toxtaldi.

Yuqiridiki awaz ulinishidin, bu heqtiki melumatimizning tepsilatini anglaysiler.