Рабийә қадир ханим хитайниң 'олимпиккә бузғунчилиқ қиливатиду' дәп әйиблигәнликигә рәддийә бәрди

Хитайниң 'шинхуа агентлиқи' бүгүн 5 ‏- айниң 30 ‏- күни "шәрқий түркистанчилар 6 ‏- айдики олимпик мәшилини узутуш паалийитини қариға алмақта' сәрләвһилик бир хәвәр елан қилди. Бу хәвәрдә, уйғур миллий һәрикитиниң йетәкчиси, дуня уйғур қурултейиниң рәиси рабийә қадир ханимни 'хитай һөкүмити олимпик мәшилини узутуш паалийити арқилиқ уйғурларни бастуруватиду, дәп иғва тарқатти' вә 'хәлқара тәшкилатларни олимпик мәшилини шинҗаңдин өткүзүшни әмәлдин қалдурушқа күшкүртти' дәп әйиблиди.
Мухбиримиз вәли хәвири
2008.05.30
Рабийә қадир ханим сөздә 2008 - Йили 20 - април күни берлинда ечилған йиғинда д у қ рәиси, уйғурларниң мәниви аниси рабийә қадир ханим ечилиш нутқи сөзлиди.
Photo: RFA
u0530-pmk
Аңлаш Авазни көчүрүш

 Уйғур миллий һәрикитиниң йетәкчиси, дуня уйғур қурултейиниң рәиси рабийә ханим хитай һөкүмитиниң бундақ әйиблишигә рәддийә бәрди. Рабийә ханим сөзидә коммунист хитай һөкүмитини олимпик мусабиқиси өткүзүш салаһийити йоқ дәп көрсәтти.

Шинхуа агентлиқиниң бу хәвиридә дуня уйғур қурултейиниң баш катиби долқун әйсани 'японийигә барғанда, хитай һөкүмити уйғур мәдәнийитини йоқитишни йолға қоюватиду, дәп иғва тарқатти' дәп әйиблигән иди. Долқун әйса әпәнди хитай һөкүмитиниң уйғур мәдәнийитини йоқ қиливатқанлиқиниң пакитлирини оттуриға қоюп, хитай һөкүмитигә рәддийә бәрди.
 
Шинхуа агентлиқиниң бу хәвиридә йәнә, дуня уйғур қурултейиниң баянатчиси дилшат ришитниму 'хитай һөкүмити олимпик мәшилини узутуш дегән нам билән уйғурларға қарита кишилик һоқуқ апити кәлтүрүватиду, дәп иғва тарқатти' дәп әйиблигән иди. Дилшат ришит әпәндиму бу конкрет мәзмун буйичә хитай һөкүмитигә рәддийә бәрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.