Ramizan éyini, roza tutush we emel ‏- ibadet qilish bilen ötküzüshning ehmiyiti

Süret, istanbulda yashawatqan dini alim ablikimxan mexsumning ramizan éyida roza tutush we emel ibadet qilishning ehmiyiti heqqide söz qiliwatqan körünüshi.

Pütkül dunyadiki musulmanlar her yili ramizan éyida bir ay roza tutidu. Bu ayda musulmanlar bashqa aydikige qarighanda köprek ibadet qilidu. Shuning üchün bu ayni bezi diniy alimlar ibadet éyi dep teripleydu.

Uyghurlarmu her yili ramizan éyida roza tutush arqiliq özlirining musulmanliq burchini ada qilidu, roza tutush Uyghurlarda alahide bolup, ramizan éyida öz ‏- ara dost ‏- buraderler we uruq ‏- tughqanlar bir ‏- birini iptar ziyapitige chaqirip birlikte iptar qilishidu, bu arqiliq ijtima'iy munasiwetlerni qoyuqlashturup bir ‏- birige bolghan dostluq rishti we méhri ‏- muhebbetni kücheytidu. Bu ayda baylar kembeghellerge yardem qilidu.

Ramizan éyi we bu ayda roza tutushning ehmiyiti qandaq bolidu? bu ayni musulmanlar qandaq ötküzidu?

Bu so'allarning jawabigha érishish üchün istanbulda yashawatqan hörmetlik dini alim ablikimxan mexsumning bu heqtiki sözlirige qulaq salayli. Ablikimxan mexsum ramizan éyida roza tutush we emel ibadet qilishning ehmiyiti heqqide toxtilish bilen birge, ramizan éyi munasiwiti bilen pütkül musulmanlarni gunahtin yiraq bolush we yaxshi emellerni qilishqa chaqiriq qildi.

Biz yene roza - ramizan heqqide doktur alimjan atawulla bilen söhbet élip barduq. Doktur alimjan, Uyghur diyaridiki musulmanlarning roza tutushi bilen chet'ellerdiki musulmanlarning roza tutushining oxshashmasliq perqi heqqidiki pikir ‏- qarashlirini ipadilidi.

Yuqiridiki awaz ulinishidin, bu heqtiki melumatimizning tepsilatini anglaysiler.