"Dunya islam yashliri kulubi" ning iftarliqida Uyghurlarning ehwali tonushturuldi

Se'udi erebistanidiki wetenperwer Uyghurlar, özlirining ana wetinini we xelqining ehwalini her pursette xelqi alemge tonushturushni özlirining diniy we milliy burchi, dep bilidu.
Ixtiyariy muxbirimiz ömerjan
2012-07-31
Élxet
Pikir
Share
Print
"Dunya islam yashliri kulubi" ning iftarliqida Uyghurlarning ehwali tonushturuldi. 2012-Yili 29-iyul, se'udi.
"Dunya islam yashliri kulubi" ning iftarliqida Uyghurlarning ehwali tonushturuldi. 2012-Yili 29-iyul, se'udi.
RFA/Omerjan

29-Iyul küni se'udi erebistanining jidde shehiride, merkizi jidde shehiride bolghan"Dunya islam yashliri kulubi"ning dunyaning her qaysi jayliridin kelgen we se'udi erebistanida közge körün'gen islam mutepekkurliri we ölimalirigha iftarliq bérish pa'aliyiti ötküzüldi. Iftar bérish pa'aliyiti nahayiti köngüllük ötküzüldi.

Iftardin kéyin süriyidin we somalidin kelgen ölimalar özlirining ana wetinining ehwalini tonushturdi. Bu arida "Dunya islam yashliri kulubi"ning terkibidiki "Türkistan komitéti" mes'uli abduraxman jelis we komitétning bash sékrétari wetenperwer ustaz sirajidin eziziler bu chong pursetni qoldin bermidi. Aldi bilen abduraxman jelis "Sherqiy türkistan musulmanlirining hazirqi weziyiti"dégen témida nahayiti tepsiliy halda nutuq sözlidi. Iftar pa'aliyitige ishtirak qilghan 500din artuq méhman Uyghurlarning weziyitini diqqet bilen tingshidi. Shuningdin kéyin wetenperwer ustaz sirajidin ezizi toxti axun erkin yazghan "Sherqiy türkistan musulmanlirining mesilisi" namliq kitab bilen misirliq meshhur yazghuchi nejib kilanining "Türkistan kéchiliri"namliq dastanini méhmanlargha sowgha qilish arqiliq ularning diqqitini Uyghurlar mesilisige jelp qilishta ghelibe qildi. Méhmanlar özlirige sowgha qilin'ghan bu qimmetlik kitablarni intayin minnetdarliq bilen qobul qilishti we özlirining bundin kéyin Uyghurlar mesilisige alahide köngül bölidighanliqigha wede bérishti.

"Dunya islam yashliri kulubi" we uning wezipisi

"Dunya islam yashliri kulubi" 1972-yili se'udi erebistanining paytexti riyad shehiride merhum padishah peyselning permani bilen tesis qilin'ghan xelq'araliq islami teshkilattur. Bu teshkilat musulman yashlarni eqide, exlaq tereptin terbiyilesh we ulargha yardem qilish, shundaqla musulman yashlirini paydiliq pa'aliyetlerge yétekleshni meqset qilidu.

"Dunya islam yashliri kulubi" musteqil islami teshkilat bolup, köpligen döletlerde shöbiliri qurulghan we dunyaning her qaysi jayliridiki musulman oqughuchilarning oqush xirajitini kötürüsh, yétim balilargha mexsus ayliq toxtitip maddiy yardem qilish, musulman yashlirini toplap ulargha kurslarni orunlashturush arqiliq ularni terbiyilesh, diniy eserlerni basturup tarqitish qatarliq xizmetlerni élip baridu.

Toluq bet