'Baturlarning köz yéshi, oyghan Uyghur' romani we ressam néyimjan ependi

Bu yil 8 - ayning 5 - küni yaponiyide abdurehim ötkür ependining " iz ", "oyghan'ghan zémin " namliq romanliri asasida terjime qilin'ghan, "baturlarning köz yéshi, oyghan Uyghur " namliq kitab yapon tilida neshr qilin'ghan idi.
Muxbirimiz mihriban
2009-08-20
Share
Ressem-Neyim-Abdurehim-Otkur-Kitawi-305.jpg Süret, özining réalistik uslubta, uyghur yurtliri hem hayatini eks ettüridighan bir qanche parche may boyaq eserlirini körgezmige qoyghan ressam neyim abduréhim we uning yaponiyide sizghan "karwan" namliq may boyaq resimining, abdurehim ötkür ependining yaponiyide terjime qilinghan, "baturlarning köz yéshi, oyghan uyghur " namliq kitapqa muqawa qilinghan nusxisidin bir körünüsh.
RFA Photo

Yaponiyining maduka neshriyati teripidin neshr qilin'ghan bu kitabni, yaponiyilik Uyghur medeniyet mutexessisi ayuko azuma xanim, Uyghur hazirqi zaman edebiyatidiki meshhur edib abdurehim ötkür ependining " iz " we " oyghan'ghan zémin" namliq 2 tarixi romani asasida terjime qilip teyyarlighan bolup, kitabqa Uyghur ressami néyimjan abduréhimning yaponiyide sizghan "karwan" namliq may boyaq resimi muqawa qilinip ishlitilgen.

Bu munasiwet bilen néyimjan ependi bilen söhbet élip barduq.

Özining ressamliq ijadiyiti jeryanida asasiy ijadiyitini "yipek yoli" témisigha béghishlighan néyimjan ependi, kitabning muqawisigha ishlitilgen bu resimning özining yaponiyide neshr qilin'ghan yipek yoli témisidiki resimler toplimining 25 - bitiki "karwan" namliq may boyaq resimi bolup, eyni chaghda özining bu resimni 1992 - yili ötkür ependini ziyaret qilghan chéghida, ötkür ependining yipek yolidiki karwan heqqide bir resim sizish teklipi bilen aridin 14 yil ötkendin kéyin 2006 - yili yaponiyide magistirliq unwani uchun sizilghan resim ikenlikini bayan qildi.

Söhbet jeryanida néyimjan ependi, kitabqa muqawa qilip ishlitilgen "karwan " namliq may boyaq resimning ijat qilinishida abdurehim ötkür ependi hem uning "iz" we " oyghan'ghan zémin" namliq tarixi romanlirining türtkilik rol oynighanliqini tekitlidi.

Söhbet axirida, néyimjan ependi özining bundin kéyinki ijadiyitide asasliq ijadiyitini yenila "yipek yoli" we Uyghurlar turmushigha béghishlaydighanliqini bayan qildi.

Töwende néyimjan ependi bilen élip barghan söhbetning tepsiliy mezmunini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet