Әркин асия радйосиниң ихтиярий мухбирлири әнқәрәдә курсқа қатнашмақта

Әркин асия радйоси уйғур бөлүми һәр қайси дөләтләрдики ихтиярий мухбирлирини йиғип, түркийәниң пайтәхти әнқәрәдә җорналистлиқ курси ачти. 6 - Айниң 28 - күнидин 7 - айниң 4 - күнигичә давам қилидиған бу курста җорналистлиқниң асасий өлчәмлири, программа йезиш үчүн қандақ издиниш,, зиярәт қилиш усуллири қатарлиқ мәзмунларда вә башқа мунасивәтлик мәсилиләрдә дәрс өтүлмәктә.
Мухбиримиз әркин тарим
2009-07-01
Share
Anqere-RFA-kurs-305 Әркин асийа радйоси уйғур бөлүминиң әнқәрәдә ачқан, 6 - айниң 28 - күнидин 7 - айниң 4 - күнигичә давам қилидиған жорналистлар курсидин бир көрүнүш.
RFA Photo / Erkin Tarim

Әркин асия радйоси уйғур бөлүми явропа, оттура шәрқ вә оттура асия түрк җумһурийәтлири һәм түркийидики ихтиярий мухбирларни йиғип түркийиниң пайтәхти әнқәрәдә җурналистлиқ курси ачти.

Әнқәрәдә чақирилған җурналистлиқ курсида америка дөләтлик радио - телевизийә идарисидин франк старийо әпәндии билән әркин асия радио истансиси уйғур бөлүминиң директори др. Долқун қәмбәри әпәнди дәрс бәрмәктә.

6 - Айниң 28 - күнидин 7 - айниң 4 - күнигичә давам қилидиған бу курста җурналистлиқниң асасий өлчәмлири, программа тәйярлаш үчүн қандақ издиниш, қандақ йезиш, зиярәт қилиш усуллири қатарлиқ мәзмунларда дәрс өтүлмәктә шундақла әркин асия радйоси уйғур бөлүми һазирлиған "һазирқи заман уйғур әдәбий тилиниң тәләппуз қаидиси ", "көп учрайдиған сөзләрниң имласи", "һазирқи заман уйғур тилиниң тиниш бәлгилири" қатарлиқ материяллар тарқитилип музакирә қилинмақта.

Мәзкур курсқа, әркин асия радйоси уйғур бөлүминиң қазақистанда турушлуқ ихтиярий мухбири абдулла, қирғизистандики ихтияри мухбири турсун ислам, сәуди әрәбистандики ихтияри мухбир өмәрҗан, шветсийидики ихтияри мухбири ялқун, истанбулдики мухбири арслан таш вә әнқәрәдики ихтияри мухбири зөһрә қатарлиқлар қатнашмақта.

Мухбирларниң һәммиси бирдәк һалда бу курсниң интайин пайдилиқ өтүлүватқанлиқини, җурналистлиқ һәққидә йеңи мәлуматларни игиливатқанлиқини билдүрүшти. Улар, йәнә бу курсниң әркин асия радйосиниң дуняниң һәрқайси җайлиридики ихтияри мухбирлириниң өз - ара тәҗрибә алмаштуруши вә өзара тонушиши үчүнму пайдилиқ боливатқанлиқини тәкитләшти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт