ئۇيغۇر مىللىي ھەرىكىتى رابىيە قادىر خانىمدىن روزى ھېيتلىق سالام!

تۆۋەندە دىققىتىڭلار رابىيە قادىر خانىمنىڭ يۈرەك سۆزلىرىدە بولسۇن.

روزى ھېيت - مۇسۇلمانلارنىڭ مۇقەددەس بايرىمى. دۇنيا مۇسۇلمانلىرىنىڭ بىر پارچىسى بولغان ئۇيغۇرلار روزى ھېيتىنى ئۆزىنىڭ ئەنئەنىۋى مىللىي بايرىمى سۈپىتىدە قۇتلۇقلاپ كەلمەكتە. مانا بۈگۈنكىدەك روزى ھېيت مەزگىللىرىدە ئۇيغۇر ئېلىدىكى مۇسۇلمانلار ھېسابسىز خورلۇقلارغا ئۇچراۋاتقان بولسا، دۇنيانىڭ باشقا جايلىرىدا ئولتۇراقلىشىپ قالغان ئۇيغۇرلار باشقا مۇسۇلمان خەلقلەر بىلەن بىرلىكتە روزى ھېيت خوشاللىقىغا جۆر بولدى. بۇ مۇقەددەس كۈنلەردە ئۇيغۇر مىللىي ھەرىكىتىنىڭ رەھبىرى رابىيە قادىر خانىم رادىئومىز ئارقىلىق ۋەتەن ئىچى ۋە سىرتىدىكى بارلىق ئۇيغۇر قېرىنداشلارغا ئوتلۇق سالام يوللىدى.