Se'udi erebistandiki Uyghurlarning héyt shadliqi

Qurban héyt pütün musulmanlarning diniy bayram küni bolup, Uyghurlar üchün hem diniy hem milliy ayem hésablinidu. Uyghurlar ming yildin köprek tarixtin biri bu héyt künini her yili shundaq qutlap kelmekte.
Muxbirimiz ömerjan toxti
2008-12-16
Élxet
Pikir
Share
Print
Mekke shehiride échilghan uyghur mektipining ösmür oqughüchiliridin bir qismi sürette.
Mekke shehiride échilghan uyghur mektipining ösmür oqughüchiliridin bir qismi sürette.
RFA Photo / Omerjan Tohti

Bügünki qurban héyt künide weten ichidiki Uyghurlar ayem tentenisi qilghandek, dunyaning herqaysi jayliridiki Uyghurlarmu ayem tentenisige chömmekte. Ular Uyghurlargha xas jama'et bolup héytlash pa'aliyitini dawamlashturmaqta.

Se'udi erebistanida bolsa Uyghurlarning köp qismi bu künlerde hej pa'aliyiti bilen meshghul bolghanliqtin, ular héytlishish ishlirini hejdin kéyinki künlerge kéchiktüridu.

Eli rozi hakim bilen söhbet

Se'udi erebistanining jidde shehiride turushluq eli rozi hajim qurban héyt munasiwiti bilen söhbitimizni qobul qilghan idi, u mundaq dédi:" allahqa shükür éytimen. Men bu yerde turuwatqinimgha on besh yil bolay dep qaldi. Bu jaydiki qurban héyt bizning wetendikige oxshimaydu. Chünki bu jay ikki herem jaylashqan orun bolghanliqtin, qurban héyt künliride bu jaydiki ereb, Uyghur we bashqa milletlerning köpinchisi mekkige bérip hej qilish bilen meshghul bolidu. Shunga peqet hej pa'aliyetliri axirlashqandin kéyinla, ularning öz‏-ara héytlashqinini köreleymiz. Bizning wetendikidek jama'et bolup héytlash ishliri burun bu jaylarda bolghan bolsimu, hazir sheherler tereqqi qilip Uyghurlar tarqilip yashashqa ötkendin kéyin, öz‏-ara jama'et bolup héytlash ishliri aziyip ketken."

Muhajirettiki Uyghur perzentlirining qurban héyt xushalliqi

Eli rozi hajim balilarning muhajirettiki héyt oynash keypiyati heqqide sorighan so'alimizgha jawab bérip mundaq dédi:" balilarning héyt xushalliqi üchün bu jaylarda mexsus balilar baghchiliri bolidu, balilar shu jaylargha bérip her xil oyunlar bilen köngüllirini xush qilishqa tirishidu. Hejge chiqmighanlar qurbanliq qilidu, balilar qurbanliqtin bek xushlinidu. Balilar qurbanliq göshige éghiz tégish bilen birge kembeghellerge ayrilghan qurbanliq göshini atiliri bilen birlikte tarqitishqa qatnishidu, buningdin balilar yoqsullargha xeyr - saxawet qilishni öginidu. Qandaqla bolmisun, héyt - ayemler özimizning ana wetinidikidek hozurluq bolmaydiken."

Balilar bilen söhbet

Se'udi erebistanining jidde shehiride ata - anilirining hemrahliqida héytlishwatqan Uyghur perzentliri omumen özlirining kompyotér oyunliri bilen köngül échishni ewzel köridighanliqini, héyt künliride waqitlirini dostliri bilen héytlishish, déngiz boylirida sayahet qilish we balilar baghchilirida köngül échish bilen ötküzidighanliqini éytishti, shundaqla özlirining ana wetinige telpünidighanliqini bildürüshti.


Toluq bet