Сәуди әрәбистан радиоси түркистан бөлүми мукапатқа еришти

2012 - Йили5 - авғуст рамзанниң17 - күни сәуди әрәбистаниниң җиддә шәһиридики"әдәбият - сәнәт кулуби"да, пүтүн сәуди әрәбистани буйичә нәтиҗә қазанған дикторларни тәқдирләш вә мукапатлаш паалийити өткүзүлди.
Ихтияри мухбиримиз әркин тарим
2012-08-07
Share
muhammed-yusuf-ke-seudi-erebistan-medeniyet-ministiri-mukapat-berdi-305.png Муһәммәд йүсүп әпәнди сәуди әрәбистан мединийәт министирлиқидин мукапат тапшуруп алмақта
RFA/Erkin Tarim


Паалийәткә сәуди әрәбистани тәшвиқат вә мәдәнийәт министири, униң муавинлири вә һәр дәриҗилик һөкүмәт әмәлдарлири иштирак қилди.

Мукапат вә тәқдирнамигә еришкәнләр ичидә түркистан бөлүминиң мудири муһәммәд йүсүпму бар иди.

Муһәммәд йүсүп һәққидә қисқичә мәлумат

Муһәммәд йүсүп уйғур елиниң хотән вилайитидин болуп, мисирдики әзһәр универстетиниң қанун вә шәриәт факултетини пүттүргәндин кейин, оттура асияда һөкүмәт мәктипидә әрәб тилидин муәллимлик қилған.2001 - Йили у сәуди әрәбистан һөкүмитиниң мәхсус тәклипи билән сәуди әрәбистаниниң җиддә шәһиридики дөләт радиосиниң түркистан бөлүмидә диктор болуп ишләшкә башлиған болуп, 2005 - йилидин башлап мәзкур бөлүмниң мудири болған. Һазирму шу хизмәтни ишләп келиватиду. Йәнә бир тәрәптин диний вә иҗтимаий мавзуларда 20гә йеқин китаб йезип уйғур хәлқини тәминләватиду.

Муһәммәд йүсүпниң тиришчанлиқи билән түркистан бөлүми башқа чәтәлләр бөлүмлири ичидә алаһидә көзгә көрүнгән бөлүмгә айлинип қалған. Йәнә униң тиришчанлиқи билән түркистан бөлүминиң аңлитиши 2010 - йили1 - феврал күнидин башлап ентернет ториға қоюлған. Күнлүк аңлитиш текистлири билән биллә шу күнниң өзидә торға қоюлуп болиду. Тор адреси www.sjrt.org

Бу алаһидикилик сәуди әрәбистан радиосиниң башқа бөлүмлириниң һечиқайсисида йоқтур. Чүнки һечқандақ бир радио торға қоюлмиған. Түркистан бөлүмидикиләр алди билән һөкүмәтниң рухситини алғандин кейин, өзлириниң тиришчанлиқи вә мәбләғ чиқириши билән түркистан бөлүминиң тор бетини ясатқан иди. Түркистан бөлүминиң бу утуқини көрүп қайил болған тәшвиқат вә мәдәнийәт министири өз намидин бөлүмгә тәшәккур хети әвәткән. Башқа мәсулларму тәшәккурлирини билдүргән. Бу қетимқи мукапатлашму муһәммәд йүсүпниң түркистан бөлүмини тәрәққий қилдуруш йолида көрсәткән тиришчанлиқлири вә сунған программилириниң сәрхиллиқи сәвәбидин иди.

Түркситан бөлүми һәққидә қисқичә мәлумат

Сәуди әрәбистан радиосиниң түркистан бөлүми1982ـ йили 3ـ айниң 8ـ күнидин итибарән тунҗи қетим күнигә бир саәттин аңлитиш башлиған болуп, 1999 - йилиға кәлгәндә, радио аңлиғучиларниң тәклипигә асасән, аңлитиш вақти күнигә бир саәттин икки саәткә чиқирилған. 2007 - Йили декабирниң 13 - күнидин етибарән аңлитиш 3 саәткә чиқирилди, уйғурчә вә өзбекчә икки тилдики аңлитиш вақти айрилип, үрүмчи вақти кәч саәт 9дин 10йеримғичә уйғур тилида, 10йеримдин 12гичә өзбек тилида болуп кәлмәктә.

Сәуди әрәбистан радиосиниң түркистан бөлүминиң аңлитиши пүтун дуня мусулманлириниң әқидә мәнбии вә қиблигаһи болған муқәддәс икки һәрәм земинидин тарқитилидиғанлиқи үчүн, түркий тилда сөзләйдиған хәлқләргә қаритилған муһим аңлитиш һисаблиниду.

Түркистан бөлүминиң аңлитишини қисқа долқун 31 метир 9885 килугретиста аңлашқа болиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт