Herbiy forma bilen Uyghur rayonigha yerleshtürülgen shangxeylik pahishe ayallar

1955 - Yili 4 - ayda shangxey sheherlik ayallarni emgek bilen özgertish ornida tutup turuluwatqan pahishe ayallardin 920 nepiri alahide herbiy qisim qilip teshkillinip xitay "Xelq azadliq armiyisi" ning formisi bilen Uyghur rayonigha élip kélin'genliki melum.
Ixtiyariy muxbirimiz qutlan
2013-02-13
Élxet
Pikir
Share
Print
"Xitay xelq azatliq armiyesi""ning herbiy formisi kiyindürülüp, 1955-yili Uyghur rayonigha yerleshtürüsh üchün élip kélin'gen shangxeylik pahishe ayallardin teshkillen'gen alahide qisim. (Menbe: Uyghurbiz tori)
"Xitay xelq azatliq armiyesi""ning herbiy formisi kiyindürülüp, 1955-yili Uyghur rayonigha yerleshtürüsh üchün élip kélin'gen shangxeylik pahishe ayallardin teshkillen'gen alahide qisim. (Menbe: Uyghurbiz tori)
UyghurBiz.com


Yéqinda "Uyghurbiz" torida élan qilin'ghan uchurlardin melum bolushiche, 1950 - yillarning bashlirida kommunist xitay hökümiti shangxey shehiridiki chong - kichik pahishixanilardin zor türkümdiki pahishe ayallarni yighiwélip, ayallargha emgek bilen özgertish élip baridighan mexsus orun tesis qilidu. 1949 - Yili etiyazda xitay "Xelq azadliq armiyisi" shangxeyni alghandin kéyin, derijidin tashqiri bu sheherning amanliqini qoghdash üchün orunlashturghan herbiy qisim jengchiliri "Qizil chiraq" rayonidiki pahishixanilarning tesiride turmushta chiriklishish hadisiliri körülüshke bashlaydu.

1955 - Yili 4 - ayda, yeni "Shinjang Uyghur aptonom rayoni" ni qurush ishi pilanliniwatqan künlerde, ürümchidiki herbiy rayondin bir alahide hoquqluq herbiy emeldar mexsus wezipe bilen shangxeyge kélidu. U shangxeydiki ayallarni emgek bilen özgertish ornigha bérip, bu yerde "Özgertiliwatqan" pahishe ayallargha "Öz ixtiyarliqi bilen armiyige qatnishishqa tizimlitish" chaqiriqini otturigha qoyidu. Shangxey shehirining bashliqi bolup turuwatqan chén yimu "Pahishe dégen bu söz yéqin kelgüsidiki junggoning lughet fondidin öchürüp tashlinidu" dep ilham béridu. Buning bilen bu yerdiki pahishe ayallar bes - bes bilen armiyige tizimlitip, uzaq ötmeyla uchisigha xitay "Xelq azadliq armiyisi" ning sériqreng herbiy formisini kiyidu. 1955 - Yili 4 - ayda 920 neper pahishe ayaldin teshkillen'gen alahide herbiy qisim uzun yollarni bésip, "Nenniwende boz yer échish" dégen qizil naxshini éytqan halda tengritaghlirining étikige yétip kélidu.

Uzaq ötmeyla, ular Uyghur élide jiddiy kéngiyiwatqan "Shinjang ishlepchiqirish - qurulush armiyisi"ning herqaysi diwiziyelirige teqsim qilinip, bu yerdiki gomindang eskerliridin özgertilgen herbiyler bilen toylashturilidu. Shundin bashlap xitayning ölkiliridin armiye formisi kiygen türküm - türküm ayallar "Chégra rayonni échish we güllendürüsh" shu'ari bilen Uyghur rayonigha kélip yerlishidu hemde bingtu'endiki eskerler bilen toyliship bala - chaqiliq bolidu. 1950 - Yillarda xitay da'iriliri teripidin intayin ustiliq bilen pilanlan'ghan Uyghur élige köchmen yerleshtürüsh siyasitining arqa körünüshi heqqide shiwétsiye Uyghur komitétining re'isi abdushükür samsaq öz qarashlirini bayan qildi.

Yoqiriqi awaz ulinishtin tepsilatini anglighaysiz.

Toluq bet