Shwétsiyede yene bir xitay jasus gumandari qolgha élin'ghan

Sürette, jasus gumandari babur mexsutning 2009 - yili may éyida washingtonda échilghan d u q ning yighini jeryanida ötküzülgen xitay elchixanisi aldidiki namyishqa qatnishiwatqan kürünüsh bolup, jasus gumandari babur mexsut ongdin ikkinchi kishi.

Xewer, shwétsiye metbu'atlirida bügün etigendin bashlap bérilishke bashlighan. Shwétsiye metbu'atliri bu xewerni shwétsiye dölet bixeterlik tarmaqlirining melumatigha asasen tarqatqan.

Xewerde bildürülüshiche, qolgha élin'ghan jasus gumandarining yéshi 42 yash, shwétsiyede siyasiy panahliq tiligen.

Dunya Uyghur qurultiyining bayanatchisi dilshat rishitning bildürüshiche, Uyghur pa'aliyetchiliri, etigendin béri, mezkur jasus gumandarining kimlikini éniqlash üchün bir qatar tekshürüshlerni élip barghan. Aldi bilen shwétsiye dölet bixeterlik tarmaqliridin gumandarning millet tewelikini sorighan, xadimlar, bu heqte melumat bérishni ret qilghan, peqet xitaygha ishleydighan bir jasus gumandarining qolgha élin'ghanliqinila bildürgen.

Xewerde yene, bu jasus gumandarining olturaqlashqan orni stokholm dep körsitilgen.

Dilshat rishitning bildürüshiche, xewerde körsitilgen mehellide birer Uyghurning olturaqlashqanliqi Uyghur jama'itige hazirche melum emes. Dilshat rishit yene, bügünki éniqlashlirida, 42 yash etrapidiki Uyghurlar ichidin "ghayip bolup ketkenler"ningmu bayqalmighanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.