Shwétsiyidiki yene bir xitay jasus gumandari heqqide uchur we inkaslar

Sürette, jasus gumandari babur mexsutning 2009 - yili may éyida washingtonda échilghan d u q ning yighini jeryanida ötküzülgen xitay elchixanisi aldidiki namyishqa qatnishiwatqan kürünüsh bolup, jasus gumandari babur mexsut ongdin ikkinchi kishi.

Shwétsiye Uyghur komitétining bashlighi mahinur hesenowa xanim, özliriningmu weqeni metbu'attin anglighanliqini, xewerlerde gumandarning millet teweliki bildürülmigenlikini bayan qildi.

Shwétsiye Uyghur komitéti xewerni anglighandin kéyin, teshkilatning da'imiy komitét ezaliri arisida derhal téléfon yighini échip weqeni muzakire qilghan, muzakiridin kéyin gumandarning kimliki heqqide jama'et ichide sürüshte élip barghan. Emma xewerde bildürülgen yash da'irisi we adrista, birer Uyghurning barliqini bayqimighan.

Mahinur xanim ötken qétim xitay jasusi babur mexsutning sotida sotchining mezkur déloning chétilish da'irisining keng bir délo ikenlikini bildürgenlikini, shunga bu qétimqi gumandarningmu shu babur mexsut délosigha chétishliq bir kishi bolushi mumkinliki heqqide perizini bayan qilip ötti.

Dunya Uyghur qurultiyining bayanatchisi dilshat rishit, buningdin jama'etchilikning jasusluq heqqide gumanliri we bu heqte pakitliri bolsa derhal özi turuwatqan döletning qanun organlirigha melum qilishi kéreklikini؛ shundaq bolghanda mesilining toluq we toghra hel bolidighanliqini, buning bilen bille uzara guman we ittipaqsizliqtin saqlan'ghili bolidighanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.