Shwétsiyide 40 tin artuq Uyghur siyasiy panahlan'ghuchilargha menggülük olturum bérildi

2012-Yili öktebir kirishi bilenla shwétsiye köchmenler idarisi 40 tin artuq Uyghur siyasiy panahlan'ghuchilargha arqa-arqidin menggülük olturaqlishish salahiyiti bergenlikini élan qildi.
Ixtiyariy muxbirimiz qutlan
2012-10-11
Élxet
Pikir
Share
Print
Shwétsiye Uyghur ma'arip uyushmisi shwétsiye parlaméntida uyushturghan iptar pa'aliyitige memet qaplan ependi riyasetchilik qildi. 2012-Yili 15-awghust.
Shwétsiye Uyghur ma'arip uyushmisi shwétsiye parlaméntida uyushturghan iptar pa'aliyitige memet qaplan ependi riyasetchilik qildi. 2012-Yili 15-awghust.
RFA/Yaqun

Bu xushxewer shwétsiyidiki Uyghur jama'etchilikini qattiq hayajan'gha chömdürdi. Bu munasiwet bilen 10-öktebir küni chüshtin kéyin sa'et 16 de shwétsiye parlaméntida tebriklesh yighini ötküzüldi. Yighinni shwétsiye Uyghur dostluq jem'iyitining shwétsiye parlaméntidiki ezaliri bilen shwétsiye Uyghur ma'arip jem'iyiti birlikte uyushturdi. Tebriklesh yighinigha shwétsiye parlamént ezasi, yéshillar partiyisining guruppa bashliqi mehmet qaplan riyasetchilik qildi. Yighin'gha shwétsiye Uyghur ma'arip uyushmisining mes'ulliri bilen menggülük olturumgha érishken köp sandiki Uyghurlar qatnashti. Siyasiy pa'aliyetchi memet toxti kanadadin sikaypé arqiliq yighin ehlige söz qildi.

Shwétsiyide 40 tin artuq Uyghur siyasiy panahlan'ghuchilargha menggülük olturum bérilgenliki munasiwiti bilen shwétsiye parlaméntida ötküzülgen tebriklesh yighinida, memet toxti ependi kanadadin sikaypé arqiliq yighin ehlige söz qildi. 2012-Yili 10-öktebir.
Shwétsiyide 40 tin artuq Uyghur siyasiy panahlan'ghuchilargha menggülük olturum bérilgenliki munasiwiti bilen shwétsiye parlaméntida ötküzülgen tebriklesh yighinida, memet toxti ependi kanadadin sikaypé arqiliq yighin ehlige söz qildi. 2012-Yili 10-öktebir. RFA/Qutlan

Shwétsiye yawropa ittipaqi ichidiki Uyghur köchmenliri köprek olturaqlashqan döletlerning biri. 2009-Yilidiki "5-Iyul weqesi" din kéyin shwétsiyige kélip siyasiy panahliq iltijasi tapshurghan Uyghurlarning sani jiddiy rewishte köpeygen. Ularning bir qismigha shwétsiyide olturaqlishish ruxsiti bérilgen bolsimu, lékin türlük sewebler tüpeylidin köp sandiki Uyghurlarning panahliq iltimasi ret qilinip, ular chégradin chiqiriwétilish hetta xitaygha qayturulush xewpige duch kelgenidi.

2011-Yil öktebirdin bashlap shwétsiye parlamént ezaliridin mehmet qaplan hemde shwétsiye Uyghur ma'arip uyushmisi we bashqa munasiwetlik teshkilatlarning ortaq tirishchanliqi arqisida Uyghurlar mesilisi toghriliq shwétsiye köchmenler idarisige qayta-qayta doklat sunulidu. Memet toxti shwétsiyige kélip parlamént ezasi memet qaplan qatarliqlar bilen birlikte munasiwetlik orunlar bilen körüshüp Uyghurlarning nöwettiki ehwali heqqide chüshenche béridu. Dunya Uyghur qurultiyi ijra'iye komitétining re'isi dolqun eysamu shwétsiye parlaméntida Uyghur mesilisi heqqide doklat béridu. 2012-Yili 6-ay ichide shwétsiye döletlik radi'osida Uyghurlar heqqide 5 qétim mexsus xewer we muhakimiler bérilip jama'et pikri hazirlinidu. Yuqiriqidek bir qatar tirishchanliqlar netijiside shwétsiye köchmenler idarisi 2012-yili 7-aydin bashlap Uyghur ilidin we orta asiya jumhuriyetliridin kélip shwétsiyige panahliniwatqan 70 tek Uyghurni chégradin chiqiriwétish toghrisidiki qararini emeldin qaldurghanliqini élan qilidu. Aridin 3 ay ötmeyla, yeni 2012-yili 10-ayning birinchi heptiside 40 tin artuq Uyghurgha biraqla menggülük olturum bergenlikini jakarlaydu.

Biz bu munasiwet bilen shwétsiye parlamént ezasi mehmet qaplan, shwétsiye Uyghur ma'arip uyushmisining re'isi nijat ependi hemde shwétsiyide menggülük olturumgha érishken Uyghurlardin munewwer xanim qatarliqlarni ziyaret qilduq.

Yuqiridiki awaz ulinishidin tepsilatini anglighaysiz.

Toluq bet