Gollandiyide siyasiy panahliqi ret qilin'ghan Uyghurlarning xitaygha qayturulmaydighanliqi ilgiri sürülmekte

Gollandiye sot mehkimisining siyasiy panahliqi ret qilin'ghan bir Uyghurni wetinige qayturulushqa buyrughanliq hökümnamisi naraziliq qozghidi.
Ixtiyariy muxbirimiz pida'iy
2013-01-09
Élxet
Pikir
Share
Print
Gollandiyidiki panahlinish lagéridiki Uyghurlardin bir körünüsh. 2013-Yili yanwar.
Gollandiyidiki panahlinish lagéridiki Uyghurlardin bir körünüsh. 2013-Yili yanwar.
RFA/Pidaiy

2013-Yili 8-yanwar gollandiye siyasiy panahliq idarisining tor bétide gollandiye panahliq ishliri idarisi bilen gollandiyidiki xelq'ara kechürüm teshkilati birlikte, gollandiye sot mehkimisining siyasiy panahliqi ret qilin'ghan bir Uyghurni etisi chüsh waqti sa'et birde wetinige qayturulushqa buyrughanliq hökümnamisige naraziliq bildürüp, gollandiyidiki herqaysi sahelerning diqqitige Uyghurlarning xitaygha qayturuwétilse bolmaydighanliqi bilen agahlandurush bergenliki mezmun qilin'ghan bir bayanat élan qilinip, gollandiye metbu'atlirida uzundin biri tinchip qalghan Uyghur témisi, qiziq nuqtigha aylandi.

"Junggoluq panahlan'ghuchining insaniy hoquqi xeter astida" namliq bayannamide: "Wetinige qayturulidighan Uyghurlarning bixeterlikige kim kapalet béreleydu? kishilik hoquqtin éghiz achqili bolmaydighan junggoda Uyghurlar zulum chekmekte. Türmilerge mehkum qilinmaqta" dep körsitilip, Uyghurlarning öz yurtida xarliniwatqan insan heqlirige da'ir matériyallarning xelq'ara kechürüm teshkilatining yilliq doklatlirida éghir salmaqni igilep kéliwatqanliqi eskertilgen.

Bayannamide yene: "Panahlan'ghuchi Uyghurlarni wetinige qayturush toxtitilsun!" dep xitab qilinip, shwétsiyidin wetinige qayturulghan ikki Uyghurning xeterlik aqiwitidin ibret alghan shwétsiye hökümitiningmu, shwétsiyidiki barliq Uyghurlargha shertsiz panahliq bérip, Uyghurlarning wetinige qayturulmasliqi heqqide alahide qanun maqullashqa mejbur qalghanliqi körsitilgen.

Panahliq ishliri idarisi we xelq'ara kechürüm teshkilatidiki tirishchanlarning tünügündin biri toxtimay yol méngip, téléfon qilish, élxet yollash arqiliq, médi'a saheliride pikir peyda qilishi netijiside, bügün 9-yanwar seherdin bashlap gollandiyidiki dangliq gézit we radi'olarda, panahliq telipi ret qilin'ghan Uyghurlarning wetinige qayturulsa bolidighan yaki bolmaydighanliqi heqqide keskin munaziriler bashlinip ketti.

9-Yanwar gollandiye metbu'atlirining xewirige asaslan'ghanda, qayturulushqa höküm qilin'ghan Uyghurning qayturulmaydighanliqi eskertilgen. Nöwette panahliq tiligüchi Uyghurlarning teqdirini belgileshke alaqidar belgilimilerning gollandiye hökümitining axirqi qararigha qarashliq bolup qalghanliqini ilgiri sürgen panahliq ishliri idarisi we xelq'ara kechürüm teshkilati tirishchanliqini dawam qilmaqta.

Toluq bet