Gollandiyidiki bir qisim Uyghurlarning weten'ge qaytip kétish mesilisi heqqidiki inkasliri

Bu qizning wetinige qaytip kétish mesilisi heqqide gollandiyidiki Uyghur jama'iti arisida türlük inkaslar dawamlashmaqta. Méhriban abletning déyishiche, qaytip kétish pilani ashkarilinip qalghan kündin buyan her küni onlap kishi uninggha téléfon qilghan, hetta béziler uning turuwatqan yérige kélip uni aware qilghan. Méhriban ablet bilen téléfon söhbiti élip barghan xelchem isimlik bir xanim uning bilen qilishqan söhbiti heqqide uchur berdi.

Méhriban ablet özining oqush meqsiti bilen wetendin chiqqanliqini, yawropada jiq pul tépip bayashat yashashni xiyal qilghanliqini, emma, siyasiy panahliq yolidiki türlük ötkellerdin ötüshke közi yetmigenliktin, qaytip ketmekchi bolghanliqini bildürüp, gollandiyidiki Uyghurlarning uninggha nisbeten tutqan mu'amilisi we inkasliridin shikayet qilip, ilgiri qaytip ketkenlerning bundaq awarichilikke uchrimighanliqini körsitip, özining riyazetlirini naheq boldi, dep qarimaqta.

Buninggha nisbeten boluwatqan munazirilerde gollandiyidiki Uyghur teshkilatliri we shexsler özige xas köz qarashlargha ige bolmaqta.

Ilgiri mushu lagérdin, yeni méhriban ablet turuwatqan lagérdin Uyghur tébabiti bilen shughullinidighan abdughéni isimlik bir Uyghur wetinige qaytip ketken bolup, inkaslargha asaslan'ghanda u hazir ürümchidiki dukinini xatirjem échip yürgen we bu yerdikilerge téléfon qilip, xatirjem kéliwéringlar dégenimish.

Tepsilatini yuqiridiki awaz ulinishidin anglighaysiler.