Süriyide “Ölüm protokoli”namayishi we chong partlash

Süriye weziyiti barghanséri yamanliship kétiwatmaqta. Süriyige ereb döletliri ittipaqi teripidin közetchiler yétip bérishi bilen teng esed hakimiyitining wehshiyliki téximu éship ketken.
Ixtiyari muxbirimiz ömerjan
2011.12.23
Share on WhatsApp
Share on WhatsApp
suriye-partiliash-305.png 23-Dékabir yüz bergen süriyediki özini öltüriwélish xaraktéridiki partilitishtin bir körünüsh
AFP

Bir tereptin süriyilik öktichiler ereb döletliri ittipaqi bilen süriye hakimiyiti bundin ilgiri imzalighan protokolni étirap qilmighanliqtin, bu protokolni“Ölüm protokoli”dep atighan we shundaq shu'ar bilen namayish qiliwatqan bolsa, yene bir tereptin demeshqte dölet mexpiyetlik orgini bilen saqchi orginida qattiq partlash yüz bergen.

Qatarning “El jezire” téléwiziye qaniligha 2011 - yili23 - dékabir küni misirning qahire shehiridin bayanat bergen süriyilik insan heqliri pa'aliyetchisi muhemmed jamal mundaq dédi:“Süriyilik namayishchilar ereb döletliri ittipaqi bilen süriye hakimiyiti otturisida imzalan'ghan protokolni téximu köp ademning ölümige seweb bolghanliqi üchün “Ölüm protokoli” dep atap, paytext demeshq shehiride 23 - dékabir jüme namizidin kéyin chong kölemlik namayish oyushturdi. Chünki bu protokol, esed hakimiyiti téximu köp adem öltürüsh üchün waqit qazinish üchünla imzalighan quruq qeghez bolup, uning süriye xelqige héchqandaq paydisi yoq. Protokol imzalan'ghan künidin biri200 din köp ademning öltürülgenliki bu dégenlirimizning janliq shahididur. Demeshq shehiride namayish boluwatqan esnada süriye sheherliride saqchilar teripidin öltürülgenlerning sani 14ke chiqti. Tünügün hems we idlib sheherliride öltürülgenlerning sani 40 qa yetken. Démek, süriye hakimiyiti imzalighan protokol öltürüshni toxtitish üchün emes, belki téximu köp öltürüshke yol achmaqta. Shunga bu protokolni süriyilik namayishchi xelq “Ölüm protokoli” dep atashni layiq körgen we shu shu'ar bilen namayish qilghan.”

Demeshqtiki partlash


“El jezire” téléwiziye qanilining demeshqtiki muxbiri ehmed mahirning bayan qilishiche, 2011 - yili23 - dékabir küni etigende demeshq shehiridiki süriye dölet mexpiyetlik orginining binasi bilen saqchi merkizi binasida qattiq partlash yüz bergen bolup, ikki qétimliq partlashta 30 gha yéqin adem ölgen, 100ge yéqin adem yarilan'ghan. Süriye téléwiziyisi partlashning térrorchilar teripidin emelge ashqanliqini élan qildi. Emma tehlilchiler weqeni süriye hakimiyiti özi keltürüp chiqarghanliqini ilgiri sürmekte. Chünki, süriyidiki esed hakimiyiti öktichilerge gunah artish we ularni térrorchilar dep qarilash üchün qolidin kelgen héle - mikirlerni qollanmaqta iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.