Süriyige barghan közetküchilerning tamashichilargha aylinip qélishi

Ereb döletliri ittipaqi teripidin süriyige ewetilgen mexsus közetküchiler hey'iti peqet tamasha körgüchilerge aylinip qalghan.
Ixtiyariy muxbirimiz ömerjan
2011-12-30
Share
suriye-partiliash-305.png 23-Dékabir yüz bergen süriyediki özini öltüriwélish xaraktéridiki partilitishtin bir körünüsh
AFP

Süriyide esed hakimiyitining xelqni öltürüsh we tutqun qilip qattiq qiynash jinayetliri ewjige chiqqan bu künlerde, ereb döletliri ittipaqi süriyidiki emeliy ehwalni közitip chiqip, andin süriye hakimiyitige qarshi chare qollinish niyiti bilen süriyige mexsus közetküchiler hey'iti ewetken idi.

Tehlilchilerning qarashlirigha tayan'ghanda, süriye re'isi beshir el esedning közetküchiler hey'itining süriyige kirishige ruxset qilishi peqet xelqtin téximu köp intiqam élishi we köprek adem öltürüshi üchün waqit qazinish üchün bolup, közetküchiler süriyige barghan künidin bashlap öltürüsh, tutqun qilish ishliri téximu köpiyip ketken.


suriye-toqunush-305.png
2011-Yili 30-dékabir namayishi, demshiq. "Ottura sherq"gézitidin élin'ghan süret.

 Se'udi erebistanda chiqidighan  "El weten" gézitining 2011-yili 28-dékabir sanida, yazghuchi tariq hemid teripidin "Süriyige barghan ereb közetchiliri tamashichilargha aylinip qaldi" dégen témida bir maqale élan qilin'ghan bolup, maqalide mundaq dep yézilghan: "Ereb döletliri teripidin süriyige ewetilgen közetküchiler hey'iti süriye zéminigha qedem bésishi bilen teng esed hakimiyitining wehshiyliki birdinla éship ketti. Süriyining hems shehiri hökümet eskerliri teripidin qattiq muhasirige élindi, esed hakimiyiti demeshiq shehiride chong partlitish élip bérilip, buni öktichilerge artqan bolsimu, xelqi alemni ishendürelmidi. Emma süriyige barghan ereb közetküchiler tamasha körüshtin bashqa héch ishqa yarimidi. Hetta süriyide boluwatqan qirghinchiliqlarni birleshken döletler teshkilatigha doklat qilishqa yarimidi. Bu ehwalda süriyige közetchi ewettuq dep süküt qilish esed hakimiyitining ömrini uzartqanliq we téximu köp ademning ölümige seweb bolghanliqtin bashqa nerse emes."

Süriye krizisini qandaq hel qilish kérek?

Maqalide yene mundaq dep yézilghan: "Ereb döletliri ittipaqining qolidin kélidighan ish süriyidiki insani krizisini birleshken döletler teshkilatigha eynen doklat qilish arqiliq mesilini birleshken döletler teshkilatning qarari bilen hel qilishtur. Chünki uningdin bashqa chare yoq. Eger ereb döletliri ittipaqi süriye krizisini bu teriqide hel qilmisa, esed hakimiyitige yandiship xelqning ölümige seweb bolghan qatargha ötüp qalidu. Undaqta ereb döletliri ittipaqining aldida özining süriye krizisini hel qilishtin ajiz kelgenlikini élan qilish bilen birge birleshken döletler teshkilatigha muraji'et qilishtin bashqa yol yoq."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet