“30-июл қәшқәр вәқәси” бейҗиң даирилири ейтқандәк “террорлуқ вәқәси” му?

Бейҗиң даирилири 30-31-июл күнлири қәшқәрдә йүз бәргән вәқәниң “террорлуқ һәрикити” икәнлики һәтта бу вәқәгә қатнашқан уйғурларниң пакистанда тәрбийиләнгәнлики вә “шәрқий түркистан ислам һәрикити” билән мунасивити барлиқини көрсәтсә, чәтәлдики уйғурлар болса бу һәрикәтниң хитайлар ейтқандәк “террорлуқ һәрикити” болмастин, бәлки хитайниң бесим сияситигә қарита берилгән күчлүк инкас икәнликини илгири сүрмәктә.

Профессор доктор алимҗан инайәт әпәнди йеқиндин буян хитайниң ичкири өлкилиридә бу хил вәқәләрниң давамлиқ чиқиватқанлиқини, әмма хитайниң уларни “террорчи” демәйватқанлиқини, шәрқий түркистанда һәр қандақ вәқә йүз бәрсә уни “террорлуқ вәқәси” дәп атаватқанлиқини, шуңа хитай һөкүмитиниң хәлқарани ишәндүрәлмәйватқанлиқини ейтти.

Түркийә истратегийилик чүшәнчә институти мутәхәссиси доктор әркин әкрәм әпәнди болса, хитай җамаәт хәвпсизлик идарисиниң уйғур диярида йүз бәргән вәқәләрдә қолида калтәк вә таштин башқа нәрсә йоқ кишиләргә оқ чиқирип өлтүрүватқанлиқини, буниң қанун билән башқурулмайдиған дөләтләрдә болидиған һадисә икәнликини ейтти.