Tokyoda ` sherqiy türkistanda we tibette insan heqliri ` mawzuluq yighin chaqirildi

30- April küni chüshtin burun yaponiyining tokyo shehridiki asasiy qanun mehkimisining zalida tibet we sherqiy türkistandiki insan heqliri weziyiti heqqide guwahliq bérish yighini ötküzülgen.
Muxbirimiz erkin tarim xewiri
2008.04.30

 Bu yighinda tibet sürgünde hökümitining sabiq tashqi ishlar ministiri, tibettiki insan heqliri weziyiti heqqide doklat bergen. Uyghurlargha wakaliten dunya Uyghur qurultiyi bash sékritari dolqun eysa ependi xitaylarning sherqiy türkistanda élip bériwatqan insan heqliri mesilisi heqqide melumat bérip ötken.

 Bulardin bashqa xelq'ara kechürüm teshkilati yaponiye wekili bilen Uyghur tetqiqatchisi na'oka xanimmu Uyghur mesilisi heqqide alahide toxtalghan. Bu yighin'gha yaponiyining sabiq bash ministiri abe ependi we 40-50 etrapida parlamént ezasi qatnashqan. Bu guwahliq bérish yighinigha köp sanda zhurnalistlarmu qatnashqan bolup, yighinning axirida sözligüchilerge sherqiy türkistan heqqide köp so'allar soralghan.

Dunya Uyghur qurultiyi bash sékritari bu yighin xitay dölet re'isi xu jin tawning 5- mayda yaponiyige ziyaret élip bérishtin burun chaqirilghan bolup, tibet we sherqiy türkistan mesilisining yene bir qétim kün tertipke kélishi üchün intayin paydiliq iken.

 Bu yighin heqqide tepsili melumat élish üchün dolqun eysa ependi bilen téléfon ziyariti élip barduq.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.