Тоқсунлуқ чарвичилар вәкили: “өлүшкә разимәнки, яйлақ давасидин ваз кәчмәймән”

Тоқсун наһийисидики 40 нәччә нәпәр чарвичи өткән һәптә аптоном районлуқ партком алдиға топлинип, 410 миң мо яйлиқиниң тартивелинишиға наразилиқ билдүргән вә бу наразилиқ һәрикитигә қатнашқанлар 5-күнигә кәлгәндә тоқсундин кәлгән даириләр тәрипидин қайтуруп кетилгән иди. Бүгүн мухбиримиз бу чарвичиларниң нөвәттики әһвали һәққидә мәлумат игилиди. Мәлум болушичә, чарвичилар үрүмчидин қайтуруп келингәндин кейин, даириләр уларни яйлақ давасини қайта қилмаслиқ һәққидә тәйярланған бир вәдинамигә мәҗбурий қол қойдурған. Чарвичиларниң вәкили абләқ мәнсур, дава йолида өлүшкә рази икәнликини, әмма яйлақ давасидин ваз кәчмәйдиғанлиқини билдүргән.

Тоқсунлуқ чарвичилар өзлиригә һесдашлиқ билдүргән бир қисим даириләрниң тәвисийиси бойичә, өткән йили сайлам өткүзүп, 4 кишини өзлириниң вәкили қилип бекиткән. Бу вәкилләр нөвәттә даириләр билән яйлақ даваси һәққидә сөзләшмәктә. Чарвичилар үрүмчидин қайтуруп келингәндин кейин даириләр алди билән бу төт вәкилни сорақ қилип, уларға тәһдит салған. Бу төт вәкилниң салаһийәт кинишка вә қол телефонлирини тартивалған. Бу арқилиқ уларниң мухбир билән алақилишиши вә сәпәргә чиқишиға чәклимә қойған. Бу төт вәкилдин бири абләқ мәнсур исимлик киши болуп, у даириләргә, өзиниң өлүшкә рази икәнликини, әмма яйлақ давасидин ваз киймәйдиғанлиқини билдүргән. Абләқ мәнсур һәтта балилириға яйлақ давасини давамлаштуруш һәққидә вәсийәтнамиму йезип қойған.

75 яшлиқ бовай төмүр сәмәр, 16 йешидин башлап мәзкур яйлақларда қой баққан. Униң билдүрүшичә, униң әҗдадлириниң мәзкур яйлақларда қой беқиш тарихи аз дегәндә 400 йиллиқ тарихқа игә. У яйлақлириниң қолдин кетишини ялғуз кәлгүси әвладлириниң рисқиниң қолдин кетиши әмәс, бәлки әҗдадлиридин қалған бир тәвәрүкниң қолдин кетиши дәп қариғучилардиндур. Шуңа у, яйлақларниң қолдин кетиши, болупму униң бузуветилишигә ечинип мундақ дәйду:

Биз юқириқи әһвлларни аңлиғандин кейин, тоқсун наһийиси вә турпан вилайитидики мунасивәтлик мәсул кишиләргә телефон қилдуқ.

Тәпсилатини юқиридики аваз улинишидин аңлиғайсиләр.