Йөрк түркмән қурултийида уйғур мәсилиси

 Түркийидә паалийәт елип бериватқан шәрқий түркистан аммиви тәшкилатлириға вакалитән әнқәрәдә паалийәт елип бериватқан шәрқий түркистан мәдәнийәт вә һәмкарлиқ җәмийити башлиқи һайруллаһ әфәндигил әпәнди қатнашти.

Қурултайда пүтүн дунядики түркий милләтләрниң тарихи һәққидә түркийидә тонулған тарихчилардин проф. Др мустафа кафали, проф. Др. Җәмаләттин ташқиран, проф. Др. Аләмдар ялчин вә проф. Др. Әкрәм мәмиш қатарлиқ илим адәмлири мәлумат бәргәндин башқа, бүгүнки әһвали һәққидиму қисқичә мәлумат берип өткән. Кейин пүтүн вәкилләр гуруппиларға айрилип түрк дунясиниң сияси, иқтисади, иҗтимаий вә мәдәний маарип җәһәттики мәсилилири һәққидә музакириләр елип берип, бу мәсилиләрни һәл қилишниң йоллирини издигән. Қурултайниң ахирида бир қарар мақулланған болуп, қарарда уйғурлар бүгүн дучар боливатқан мәсилиләргиму йәр берилгән.

Биз бу қурултай һәққидә тәпсили мәлумат елиш үчүн қурултайға қатнашқан һайруллаһ әфәндигил әпәнди билән сөһбәт елип бардуқ. У биз билән елип барған сөһбитидә қурултайда сөз қилип қурултай әһлигә уйғурлар бүгүн дучар боливатқан хитайниң бесим сияситини, болупму хитайларниң олимпик мусабиқисини баһанә қилип туруп уйғурларни һәр хил йоллар билән бастуруватқанлиқини тәкитлигәнликни вә пүтүн түркий милләтләрни уйғурларға ярдәм қилишқа чақирғанлиқни ейтти.