Гуәнтанамодики 17 нәпәр уйғур түрк мәтбуатида

Гуәнтанамодики 17 уйғурни тинч окяндики 21 миң нопусқа игә палав дөлитиниң қобул қилғанлиқи тоғрисидики хәвәргә түрк мәтбуатлирида, йәни түркийидики көп сандики чоң - кичик телевизийә вә радйоларда бу һәқтики хәвәрләргә йәр берилди.
Мухбиримиз әркин тарим
2009.06.11
Gitmo-uyghurliri-turk-metbuatlirida-305 Сүрәт, гуәнтанамодики 17 уйғурни тинч окйандики 21 миң нопусқа игә палав дөлитиниң қобул қилғанлиқи тоғрисидики хәвәрләрдин бири.
RFA Photo / Erkin Tarim

Бу хәвәр түркийидики чоң кичик гезитләрниң көпиниң  бүгүнки санида, палавниң мәнзирилириниң рәсимлири билән бесилди. Түркийидики әң чоң гезитләрдин бири болған радикал гезитиниң хәлқара хәвәр бетигә рәсимлик қилип берилгән бу һәқтики хәвәрниң темиси уйғур әсирләр арал дөләткә әвәтилмәкчи, түркийиниң әң чоң гезитлиридин бири болған "миллийәт" гезитидә америка 200 милйон долларни беришигила кичик арал дөлити гуәнтанамодики уйғур әсирләрни  алди темисида йәр алди.

Булардин башқа телевизйиләрдә әсир уйғурларни қобул қилидиған дөләт чиқти, әсир уйғур түрклири азадлиққа еришти, тинч окяндики кичик бир дөләт уйғурларға игә чиқти, америка 200 милйон доллар берип уйғурларни кичик арал дөлити палавға йәрләштүрмәкчи, дегәнгә охшаш темиларда тарқитилди.
 
Хәвәрдә мундақ дейилгән:  америка 2001  - йилиниң ахирида әсир алған 4 йил бурун гунаһсиз дәп елан қилинған 17 уйғур хитайға қайтурулса өлүм җазаси берилидиғанлиқи үчүн буларни америка вә явропаға йәрләштүрүшкә тиришқан болсиму әмәлгә ашуралмиди. Ахирида бу 17 уйғурни  дуняда наһайити аз инсан тәрипидин билинидиған палав дөлити алидиған болған.

Хәвәрдә йәнә палав дөлитиниң президентиниң  дуня мәтбуатлириға бәргән баянатида америкиниң бундақ бир муһим қарарда биздин ярдәм тәләп қилғанлиқи үчүн  пәхирләндуқ дегәнликини йезилған. Хәвәрдә  тинч окянға җайлашқан палав дөлити һәққидиму қисқичә мәлумат бәргән.
 
Бу хәвәрләрдин кейин йәни, 6 - айниң 11 - күни түрк телевизийилири давамлиқ  һалда гуәнтанамо түрмисидики 17 нәпәр уйғурниң 4 нәпириниң әркинликкә еришкәнлики һәққидики хәвәрләргә йәр беришкә башлиди. Бу 4 нәпәр уйғурниң шималий атлантик окяндики әнгилийә һамилиқидики  бермуда тақим араллириға йетип барғанлиқи хәвәр қилинди. Бәзи түрк телевизийилири бермуда тақим араллири һәққидиму мәлумат бәрмәктә.

Бурун гуәнтанамодики бу уйғурларни түркийиниңму қобул қилиши тәклип қилинған иди. Түрк һөкүмити һазирғичә бир җаваб бәрмигән яки позитсийәму билдүрмигән иди. Әмма түркийә парламентидики өктичи партийиләр түркийиниң гуәнтанамодики бу уйғурларни елиши керәкликини чүнки түркләрнинң уйғурлар билән қандаш вә диндаш икәнликини тәкитлигән иди. Әмма 4 уйғурниң әркинликкә еришкәнлики һәққидә түрк һөкүмити яки өктичи партийиләр һечқандақ позитсийә билдүрмиди.    

Бу хәвәрни аңлиған түркийидики уйғурлар хушаллиққа чөмди. Биз түркийидики уйғурлар билән бу һәқтә сөһбәт елип бардуқ.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.