Türkiyide musulmanlarning hazirqi ehwali namliq kitab neshr qilindi

Musulmanlarning hazirqi ehwali namliq kitab sutuq bughraxan ma'arip neshriyati teripidin istanbulda neshr qilindi. Bu kitabni misirliq islam mutepekkuri muhemmed qutup yazghan. Bu kitabni muhemmed xalis, muhemmed imin pidakar, m. Ömer isimlik kishiler ortaqliship Uyghur tiligha terjime qilghan.
Ixtiyari muxbirimiz arslan
2012.11.30
Share on WhatsApp
Share on WhatsApp


Bu kitabta musulmanlarning peyghember eleyhssalamning dewridiki yuqiri pellidin kéyinki dewrlerde töwen orun'gha chüshüp qélishidiki amillarni we musulmanlarning tarixi jeryanlarda nurghun talapetlerge uchrighanliqidiki seweblerni yorutup bérish bilen birge, islam oyghinish herikiti we bu heriketning qolgha keltürgen netijiliri toghrisida toxtalghan.

621 Betlik bu kitab yette bölümdin terkip tapqan bolup, kitabning kirish sözide bu kitab toghrisida mundaq déyilgen: islam dunyasining béshigha burunmu nurghun krizislar we balayi - qazalar kelgen bolup, musulmanlar zéminliridin, mal - dunyaliridin we yurt makanliridin ayrilip qalghan, biraq ular tarixtin buyan hazirqidek éghir kün'ge qalghan emes. Musulmanlar tunji qétim bash kötürgende, dunyaning bashqa jayliridiki kishiler ige bolghan maddi medeniyet we ilim - pen'ge érishmekchi bolsa, ikki teripidiki qedimi dölet pars we rumlardin öginishke mejbur bolatti. Ular emeliyettimu shundaq qildi. Biraq ular héch bir waqit bash egmidi, tang qalmidi, ular mömin bolghanliqliri üchün özlirini haman yuqiri hés qildi. Musulmanlar yunanliqlarning bilimlirini qobul qildi, biraq ularning meshhur epsanilirini qobul qilmidi. Chünki bu epsanilerde butpereslik jahiliyiti teswirlen'gen bolup oqushqa erzimeytti.

Kitabta yene, tarixi jeryanda, musulmanlarning diniy étiqadi we eqidilirige xilap bolghan pikir - qarashlarni qobul qilish bilen teng, özlirining musulmanliqidin yiraqliship kétishidiki seweblerni yorutup bergen we musulmanlarni heqiqiy islam qa'ide - tüzümliri boyiche yashashqa, diniy étiqadi yolida ching turushqa chaqiriq qilghan.

Biz bu kitab toghrisida pikir qarashlirini élish üchün istanbuldiki sutuq bughraxan ma'arip neshriyatining mes'uli möminjan we diniy alim abdukerim kuchar ependiler bilen söhbet élip barduq.

Abdukerim kuchar ependi bu kitabning ehmiyiti toghrisida toxtilip, bu kitabning Uyghur musulmanlargha nisbeten, din düshmenliri ötmüshtiki musulmanlarning iman - étiqadini buzush üchün qandaq hiyle - neyrenglerni ishletkenlikini, qandaq ziyankeshliq qilghanliqini we musulmanlarning hazirqi weziyitining qandaq halette ikenlikini, musulmanlarning qandaq bir hayatta, qandaq bir ijtima'i we siyasiy hayatta yashishi kéreklikini chüshendürüp béridighanliqini, shuning üchün xitay kommunist hakimiyiti Uyghurlarni dinsizlashturush, dindin uzaqlashturush siyasiti yürgüzüwatqan bügünki künde, bu kitabning neshr qilinishi, Uyghur musulmanlarning diniy étiqadida ching turushi, islami oyghinish herikitige maslishishi we din düshmenlirining ziyankeshlikliridin saqlinishida muhim rol oynaydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.